Itan 15:8 - Edo Bible (E Baibol Ẹdo) Version 1996

⁸ Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 15:8 ပူးပေါင်းရင်းမြစ်များ

II Samuẹl 15:12

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.

I Ọba 3:10

Ẹko keghi rhiẹnrhiẹn e Nọyaẹnmwa ye emwi ne Solomọn nọ rẹn na.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Itan 10:24

Emwi ne emwa ẹmwata ho ghi gha sẹ iran obọ, sokpan, emwi ne ohan rẹn mu avbe emwa dan sẹẹ, ọ re iran ra gha miẹn.

Itan 15:29

Emwa esi gha na erhunmwu, e Nọyaẹnmwa ghi gha danmwehọ sokpan, ọ ghi yangbe avbe emwa dan.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Itan 28:9

Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

Asan-Ibo 5:1

Hẹko gha ya ẹwaẹn yo Ọgua Osa. Ọ kere ne a yo ya ruẹ emwi vbe evba sẹẹ ne a ya gha zọ ese zẹvbe avbe ọzuọ ni ma rẹn emwi ne ọ kere hin e ne ọ ma kei rre.

Ihuan Ne Ọ Sọọ Ihuan Hia 2:14

U yevbe edi ne ọ lẹre ye uvun okuta. Gun mwẹ bẹghe ugbaro ruẹ ne lọgiọọ. Ne I vbe họn urhu ne ighẹnghan ruẹn.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Daniẹl 9:23

Ugbẹn vbe u ghi gha rinmwian Osanobua, ọ keghi zẹ ẹmwẹ wanniọn. Ọ ho ẹmwẹ ruẹn, rhunmwuda ọnii, ọ re I na gha dee do rhie ewanniẹn ọnrẹn ne uẹn rhunmwuda ọnii nian, danmwehọ vbe ne I rhan otọ umian na hẹ.

Levitikọs 7:18

A deghẹ a ye re vbọ vbe ikpẹdẹ ne ogieha, Osanobua i rhan obọ miẹn izọhẹ ọmwa nii. A i ra ka emwi izọhẹ ba emwi esi ne ọ ru sokpan a ghi ka ẹe ba nọ ma huan, ọmwaikọmwa ne ọ rri ọe, rẹn ọ ra vbe rrioya yọ.

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Maika 6:7

Ọ gha yẹ e Nọyaẹnmwa ra, adeghẹ I viọ ohuan arriaisẹn inu ne o khin gie ẹe ra ẹzẹ ne ẹ i ka ọghe ofigbọn oliv? Te I gha rhie ovbi mwẹ ne ọdiọn ya ha oko ne ẹẹn ra ne I ya ha osa orukhọ mwẹ?

Hagai 2:14

Ẹre Hagai ghi na kha wẹẹ, “Erriọ ọ re ọghe emwa otọe na wa vbe ye, kevbe emwi ne iran ya obọ ru hia, rhunmwuda ọnii, emwikemwi ne iran ya zẹ ọhẹ rrie Ogiukpo awua rrọ.”

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Iyẹn ne ọ Maan Ọghe Jọn 4:24

Orhiọn ọre Osanobua khin, iran ni gae, ọ kere ne iran ya orhiọn gae vbe ẹmwata.”