Itan 15:7 - Edo Bible (E Baibol Ẹdo) Version 1996

⁷ Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 15:7 ပူးပေါင်းရင်းမြစ်များ

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 37:30

Ẹmwẹ ọmwa esi, ẹwaẹn nọ, ẹi vbe gbe ewanmwẹ ghe obọkpa.

Psalm 45:2

Wẹ ọ re ọ ghi mose sẹ vbe uwu avbe ikpia hia ọmwa ne ẹmwẹ ma ẹre unu ọre u khin. Te Osanobua wa fiangbe uẹ vbe ẹghẹ hia.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:6

Ẹfe emwa esi ghi gha di iran obọ ya, sokpan, emwa dan ghi hẹ ọghe iran kua vbe ẹghẹ ne emwi hia na kan.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 16:23

Te emwa ni wan ka roro ẹmwẹ nẹ iran ke ta ẹe, iran ghẹ ghi ta ẹe, ẹghẹ nii, ọ ghi gha la ọmwa ehọ.

Itan 5:2

Ẹghẹ nii, u gha rẹn vbene a ya yin ẹse hẹ, ẹmwẹ ne u guan gha vbe rhie ma wẹ u mwẹ irẹnmwi.

Asan-Ibo 10:2

Vbene a yii ẹe wa nọ ne ọmwa ne ọ wan gha ru emwi ne ọ kere, ke ne ọmwa ne ọ kọẹn gha ru emwi ne ọ ma gba.

Ihuan Ne Ọ Sọọ Ihuan Hia 4:11

Orhiẹnrhiẹn owọn rre unu ruẹn enida mwẹ, aranmwẹ ruẹn, owọn kevbe ewẹn nọ mẹ. Uwinhinmwẹ e Lebanọn hia rre ukpọn ruẹn.

Matiu 10:27

Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.