Itan 15:6 - Edo Bible (E Baibol Ẹdo) Version 1996

⁶ Ẹfe emwa esi ghi gha di iran obọ ya, sokpan, emwa dan ghi hẹ ọghe iran kua vbe ẹghẹ ne emwi hia na kan.

Itan 15:6 ပူးပေါင်းရင်းမြစ်များ

Psalm 112:3

Ẹgbẹe ọre ghi gha re emwa ne emwi gue kevbe ni fe, agbọn gha wa ma rẹn rhinrin ẹdẹ.

Psalm 37:16

Ive emwi kherhe ne ọmwata mwẹ, sẹ ẹfe emwa dan hia fẹẹrẹ,

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 15:16

A re ovbiogue ne ọ mu ohan e Nọyaẹnmwa, ọ re ọ maa sẹẹ ne a gha re ọmwa ne ọ fe ne ọ rre uwu orueghe vbe ẹghẹ hia.

Itan 15:5

Ukọnmwẹ nọ ne ọmwa fi iyeke gbe emwi ne erha ma ẹre re, ẹwaẹn nọkhua nọ adeghẹ u rhie ibude ne ọ rhie ya dia ruẹ ye odẹ.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 16:8

Ọ kere ne a gha mwẹ emwi kherhe ne a la odẹ ẹmwata miẹn, sẹẹ ne a gha mwẹ okpe ere ne a la odẹ ero miẹn.

Itan 21:20

Avbe umẹwaẹn ghi gha rrọ vbe uwu ẹfe kevbe ọwọrhọwọrhọ, sokpan, avbe akpa, ẹgiẹgiẹ ọ re iran lo igho ne ọ la iran obọ.

Itan 3:33

Te Nọyaẹnmwa fi owa emwa dan unu, sokpan, ọ keghi fiangbe owa emwa esi.

Itan 8:21

I ghi gha zẹ ẹfe ku iran ni ho ẹmwẹ mwẹ, I ghi ya ọmaa nagbọn vuọn iran owa.

Asan-Ibo 4:6

Ughaghe ẹmwata onii gele khin, sokpan ne a gha mwẹ ekherhe vbene otọe uhunmwu na fu ọmwa rre, ọ re ọ maa sẹẹ ne a ya obọ eveva gha winna khu ẹhoho khin.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.