Itan 15:5 - Edo Bible (E Baibol Ẹdo) Version 1996

⁵ Ukọnmwẹ nọ ne ọmwa fi iyeke gbe emwi ne erha ma ẹre re, ẹwaẹn nọkhua nọ adeghẹ u rhie ibude ne ọ rhie ya dia ruẹ ye odẹ.

Itan 15:5 ပူးပေါင်းရင်းမြစ်များ

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Itan 1:23

Wa gha danmwehọ vbe a gha gu uwa gui, I gha rhie ibude esi ne uwa, I ghi vbe ghae ne uwa vbe uwu irẹnmwi mwẹ.

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 10:1

Avbe itan ọghe Solomọn ọre ena khin: Ọmọ ne ọ wan, te erha ẹe ghe ẹre hio; sokpan, akhiẹ ọ re ọmọ ne ọ kọẹn si ye iye ẹe egbe.

Itan 13:1

Ọmọ ne ọ wan ghi gha danmwehọ vbe erha ẹe a gha gu ẹe gui, sokpan, ọmwa ne ọ hio i miẹnkue ẹdẹdẹmwẹdẹ ighe rẹn ba emwi ku ru.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 15:4

Ẹmwẹ itohan te ọ rhie arrọọ rre, sokpan, ẹmwẹ ọbe, te ọ gbe orhiọn.

Itan 15:6

Ẹfe emwa esi ghi gha di iran obọ ya, sokpan, emwa dan ghi hẹ ọghe iran kua vbe ẹghẹ ne emwi hia na kan.

Itan 19:20

Adeghẹ wẹ họn vbe a gha bu ruẹ ude, u na vbe mu ẹghẹ ne u ya ruẹ emwi, u gha he gha wan ẹdẹ ọkpa.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Taitọs 1:13

Ẹmwata ọre ẹmwẹ ne ọ tae khin, rhunmwuda ọnii, u ghi gha kakabọ gu iran gui ye abakuru iran, ne iran miẹn ehe na gha mwẹ iyayi ne egbe rran rẹn.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.