Itan 15:32 - Edo Bible (E Baibol Ẹdo) Version 1996

³² U gha he iruẹmwi, egbe ruẹ ọ re u ru khọ. U gha rhan obọ miẹn aguọmwagui, u ghi do gha wan sayọ.

Itan 15:32 ပူးပေါင်းရင်းမြစ်များ

Psalm 50:17

Wa wẹ wa i kue ne I dia uwa, wa he iyi mwẹ ye otọ.

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 10:17

Ọmwa ne ọ rhie ehọ ye otọ vbe a gha gu ẹe gui, ọ gha di agbọn ya, sokpan, emwa ne ẹ i rhie wẹ rẹn gele ba emwi ku, te ọ rhie uhunmwu da ẹbe.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 15:14

Emwa ni wan ghi gha ho ne iran ruẹ emwi, sokpan, ẹko amarẹn ne avbe ọzuọ ye wa vuọn iran.

Itan 15:21

Ẹmwẹ ukọnmwẹ iran wa vuọn avbe ọzuọ ẹko, sokpan, emwa ni wan ghi gha ru vbene ọ kei yi.

Itan 15:31

A gha dia ruẹ ye odẹ, u na gbe ehọ kotọ, umẹwaẹn ọ re u khin.

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Itan 15:5

Ukọnmwẹ nọ ne ọmwa fi iyeke gbe emwi ne erha ma ẹre re, ẹwaẹn nọkhua nọ adeghẹ u rhie ibude ne ọ rhie ya dia ruẹ ye odẹ.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Itan 18:15

Ọ rre ekhọe avbe umẹwaẹn, iran vbe mu egbe ne iran ruẹ emwi vbe ẹghẹ hia.

Itan 19:20

Adeghẹ wẹ họn vbe a gha bu ruẹ ude, u na vbe mu ẹghẹ ne u ya ruẹ emwi, u gha he gha wan ẹdẹ ọkpa.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 7:5

Ọ kere ne emwa esi gha gu ọmwa gui sẹẹ ne avbe akpa do gha kpe ọbọbọ ne ọmwa.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Diuteronomi 21:18

“Ọ gha re te ọmwa ghi mwẹ ọmọ ne ọ ze vbe udu kevbe ne ẹ i họn ẹmwẹ, ọmọ ne ẹ i họn ẹmwẹ ne evbibiẹ ọe, vbene ọ khọn iran ne iran a yan rri ọ re oya sẹ,

Diuteronomi 21:20

Iran ghi tama iran wẹẹ, ‘Ovbi ima ne okpia na ze vbe udu gbe, ẹ i vbe họn ẹmwẹ ne ima, ọdayọn nọ, ọ vbe mu ima igho rhia.’

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.