Itan 15:30 - Edo Bible (E Baibol Ẹdo) Version 1996

³⁰ Aro ni mumu ogiẹ ghi gha ya ẹko ọmwa rhiẹnrhiẹn, iyẹn esi ghi gha ye ọmwa rran sayọ.

Itan 15:30 ပူးပေါင်းရင်းမြစ်များ

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Psalm 89:15

Ọmakin iran ni so ihuan ya rho ruẹ iran ni rrọ vbe uwu uwanmwẹ itohan ruẹn.

Itan 12:25

Ohawa sẹtin rhie ọyẹnmwẹ hin ọmwa obọ rre, sokpan, ẹmwẹ itohan ghi gha ya ọyẹnmwẹ sẹ ọmwa.

Itan 13:9

Te emwa ẹmwata ye vbe ukpa ne ọ baa ẹsẹse, sokpan, emwa dan keghi ye vbe ukpa ne ọ ghi ra dọyọ.

Itan 15:29

Emwa esi gha na erhunmwu, e Nọyaẹnmwa ghi gha danmwehọ sokpan, ọ ghi yangbe avbe emwa dan.

Itan 15:31

A gha dia ruẹ ye odẹ, u na gbe ehọ kotọ, umẹwaẹn ọ re u khin.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Itan 25:25

Iyẹn oghọghọ ne ọ ke ehe ne ọ rrei sẹ ehe ne ọmwa ye, te ọ ye vbe amẹ ne ọ furre ne ọmwa wọẹn vbe ẹghẹ ne ovbamẹ na kaka ọmwa ẹho.

Itan 3:8

U gha ru vberriọ, te ọ ra gha ye vbe ukhunmwu esiesi, ọ gha kpe ẹwẹn ruẹn rrie, ọ ghi vbe rhie ọrọkhọrhọ ye obalọ ruẹ.

Asan-Ibo 11:7

Ọ kere ne ọmwa sẹtin gha ya oghọghọ lo uwanmwẹ ẹdẹ nọ rhiẹnrhiẹn.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.