Itan 15:21 - Edo Bible (E Baibol Ẹdo) Version 1996

²¹ Ẹmwẹ ukọnmwẹ iran wa vuọn avbe ọzuọ ẹko, sokpan, emwa ni wan ghi gha ru vbene ọ kei yi.

Itan 15:21 ပူးပေါင်းရင်းမြစ်များ

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Itan 10:23

Ukọnmwẹ nọ, a deghẹ ẹko rhiẹnrhiẹn ọmwa ye iba ne a zẹ. Avbe umẹwaẹn, ẹwaẹn ọ re ọ ye ẹko iran rhiẹnrhiẹn.

Itan 11:12

Ukọnmwẹ nọ ne a gha ya unu sakan ẹrrẹe. A dẹghe ọmọ ne egbe maa ọ re u khin, u gha hẹko hunmwan.

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 14:8

Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Itan 14:9

Avbe akpa gha ru orukhọ, ẹ i vbe kan iran egbe, sokpan, avbe emwa esi ghi gha ho ne a ya bọ iran.

Itan 15:22

Gualọ ude vbehe ne a gha na sẹtin bu ruẹ ude hia, ọ gha dunna nuẹn, adeghẹ ẹ i re vberriọ, te u ra baeku.

Itan 4:25

Ye ekhọe ne ẹ i mwẹ ero kevbe ne ọ sotọ gha ghe odaro, ghẹ ya ekhue gha khua uhunmwu.

Itan 4:26

Kakahọ gha gbe ekhọe kotọ mwamwa emwi ne u khian ru, emwi ne u ru hia gha wa dunna.

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.