Itan 15:2 - Edo Bible (E Baibol Ẹdo) Version 1996

² Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:2 ပူးပေါင်းရင်းမြစ်များ

Psalm 45:1

Ẹmwẹ ni rhiẹnrhiẹn wa vuọn ekhọe mwẹ, vbe I gbẹn ihuan na ne ọba zẹvbe ukeke ọgbenbe ne ọ guẹe. Aranmwẹ mwẹ, wa mu egbe ekharha ye otọ.

Psalm 59:7

Gha họn vbene iran tie ihẹn kevbe vbene iran vbe yanma hẹ. Aranmwẹ iran yevbe umozo vbe unu iran. Sevba te iran ye ro wẹ, ọmwa rhọkpa ma rẹn ne iran ye.

Itan 12:23

Adazẹ i ta emwi ne ọ rẹnrẹn ladian, sokpan avbe akpa ghi mu ukọnmwẹ iran ye ahẹn gha bọnmwẹ khian.

Itan 13:16

Emwa ni wan, te iran roro emwi nẹ iran kegha ru ẹe, sokpan avbe ogboi ghi mu ukọnmwẹ iran ye ahẹn gha bọnmwẹ.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Itan 15:28

Te emwa esi roro ẹe nẹ ọ ke gha rhie ewanniẹn ye ẹmwẹ. emwa dan wa mwẹ ewanniẹn ẹgiẹgiẹ sokpan ẹti ọre ọ si.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 16:23

Te emwa ni wan ka roro ẹmwẹ nẹ iran ke ta ẹe, iran ghẹ ghi ta ẹe, ẹghẹ nii, ọ ghi gha la ọmwa ehọ.

Itan 5:2

Ẹghẹ nii, u gha rẹn vbene a ya yin ẹse hẹ, ẹmwẹ ne u guan gha vbe rhie ma wẹ u mwẹ irẹnmwi.

Asan-Ibo 10:14

Ọzuọ ghi gha talọ khian kpẹrẹ. Ọmwa ne ọ rẹn emwi ne ọ ghi ra sunu irrọ, ọmwa rhọkpa i vbe sẹtin tama ọmwa emwi ne ọ ghi ra sunu vbe ọmwa a wu nẹ.

Asan-Ibo 5:3

Vbene u ya si osi ye emwi, erriọ ọ re u gha vbe ya mina imina dan, vbene u vbe ya talọ, erriọ ọ re u gha vbe ya guan ẹmwẹ ukọnmwẹ.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.