Itan 15:17 - Edo Bible (E Baibol Ẹdo) Version 1996

¹⁷ A hẹko gu emwa ne a ho ẹmwẹ ọnrẹn la lọ uwọnmwẹ ọ re ọ maa sẹẹ ne a ya gu ọmwa ne ẹko ọmwa i maa rri emiowo ne ọ maa sẹẹ.

Itan 15:17 ပူးပေါင်းရင်းမြစ်များ

Itan 16:8

Ọ kere ne a gha mwẹ emwi kherhe ne a la odẹ ẹmwata miẹn, sẹẹ ne a gha mwẹ okpe ere ne a la odẹ ero miẹn.

Itan 17:1

A rri ebrẹd ne ọ kakae nẹ vbe uwu ẹre, ọ re ọ fu egbe sẹ ne a ya rri evbare eghọ vbe owa ne ẹmwẹ ye.

Itan 21:19

A wa gha rre otọ ẹgbo ọ re ọ fu egbe sẹ ne a gu okhuo ne ọ vian ke nọ ọ gui ẹzọ di owa ya.

Asan-Ibo 4:6

Ughaghe ẹmwata onii gele khin, sokpan ne a gha mwẹ ekherhe vbene otọe uhunmwu na fu ọmwa rre, ọ re ọ maa sẹẹ ne a ya obọ eveva gha winna khu ẹhoho khin.

Matiu 22:4

Ọ keghi vbe gie eguọmwadia ọvbehe ya khama iran wẹẹ, ‘A le evbare nẹ, avbe ẹmila abẹgbe ne a ware, ọre a ya le ẹe, a wa mwamwa emwi hia ye otọ nẹ. Wa gha dee do rri evbare irhiọha’,

Iyẹn ne ọ Maan Ọghe Luk 15:23

Wa mu ẹmila abẹgbe nii, wa gbe ẹe ne ima ya dugie ọyẹnmwẹ.

Filipai 2:1

Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.