Itan 15:13 - Edo Bible (E Baibol Ẹdo) Version 1996

¹³ Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Itan 15:13 ပူးပေါင်းရင်းမြစ်များ

Nehimaia 2:2

Rhunmwuda ọnii, ọ keghi nọ wẹẹ, “Vbọzẹ ne ekhọe ruẹ na rhia sẹrriọ yi? U i khuọnmwi, iyayi ighẹ uwu akhiẹ ọ re u ye.” Ohan keghi mu mwẹ.

Itan 12:25

Ohawa sẹtin rhie ọyẹnmwẹ hin ọmwa obọ rre, sokpan, ẹmwẹ itohan ghi gha ya ọyẹnmwẹ sẹ ọmwa.

Itan 14:30

Ekhọe ne ọfumwegbe ye, te ọ ye egbe rran ọmwa; sokpan te igbọvo yevbe ẹtẹ ne ẹ i mwẹ ukhunmwu.

Itan 15:15

Edomian ne ẹ i gbe amẹ sa wọn ọ re ẹdagbọn ovbiogue khin, sokpan, emwa ne ẹko rhiẹnrhiẹn ghi gha kuobọyuwa ẹghẹ hia.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Itan 18:14

Ekhọe ruẹ gha rrọ wẹ u ho ne u fe, ọnii sẹtin yevbe eda nuẹn vbe ẹghẹ emianmwẹ, sokpan, ọnii gha lahin rre, idaehọ ruẹ ne okiekie ọ re ọ fo nii.

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

II Kọrinti 7:10

Rhunmwuda ẹko ne ọ rriara ọmwa ne Osanobua loro, keghi rhie afi ekhọe werriẹ ghe imiẹnfan rre. A i vbe gbe I ma rẹn ye ọnii hiehiere. Sokpan te ẹko ne ọ rriara ọmwa ọghe agbọn na si uwu.