Itan 15:11 - Edo Bible (E Baibol Ẹdo) Version 1996

¹¹ Emwa ẹvbo iran ni wulo nẹ i sẹtin rhie emwi ni rre ehe ne iran ye lẹre ne Nọyaẹnmwa, vbe ọmwa nagbọn ra na sẹtin rhie iro ekhọe ẹre lẹre ne Nọyaẹnmwa, hẹ?

Itan 15:11 ပူးပေါင်းရင်းမြစ်များ

II Krọnikol 6:30

U ghi họn erhunmwu iran. Danmwehọ iran vbe owa ruẹ vbe ẹrinmwi ne u yabọ iran. Wẹ ọkpa kẹkan ọ re ọ rẹn emwi ne ọmwa mu ro vbe ekhọe. U ghi ru dọmwadẹ ọghe ọe vbene ọ khẹ ke ẹe.

Job 26:6

Odaro Osanobua ọ re agbọn iran ni wulo nẹ ye. Emwi ne ọ degue ẹre hin ehe ne ọ ye rre i rrọ.

Psalm 139:8

De ghẹ I hin odukhunmwu la ẹrinmwi, wẹ gha rre evba; a deghẹ I ya lovbiẹ ye ehe ne iran ni wulo nẹ ye, wẹ gha rre evba.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Itan 15:10

U gha ru emwi ne ọ ma gba, a gha rriọọ oya ẹsẹse, sokpan, u gha wẹ ne a ghẹ dia ruẹ ye odẹ, uhunmwu ọ re u ya khiọ ẹre.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Itan 27:20

Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 9:11

Iran kevbe mwẹ ọba ne ọ khaemwisẹ yan iran, ọ nii ọrọre odibo ne ọ gbe aro ghe uvun ne ẹ i mwẹ ehe ne ọ sẹe nii. Eni ẹnrẹn vbe Hibru keghi re Abadọn, sokpan vbe Grik iran keghi tie ẹre Apọyọn (Emwi ne a ya ẹe kha ọrọre “Omurhia.”)

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”