Itan 14:8 - Edo Bible (E Baibol Ẹdo) Version 1996

⁸ Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Itan 14:8 ပူးပေါင်းရင်းမြစ်များ

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 119:5

Vbọrrọ akpawẹ ekhọe mwẹ gha sẹtin mu ẹẹn sẹ, ne I wa gha ruẹe zẹ vbe ne u ru igiodẹ ọre.

Psalm 119:73

Wẹ ọ re ọ yi mwẹ, u kevbe rhie mwẹ lẹre; rhie irẹnmwi mẹ, ne I sẹtin ruẹ uhi ruẹ.

Psalm 143:8

Gha ye mwẹ ẹre rre owiẹ owiẹ ighe ẹmwẹ ahoẹmwọmwa ruẹn ne ẹ i beghe, rhunmwuda, wẹ ọ re imẹ mu ẹtin mwẹ yan. Erhunmwu mwẹ hin odukhunmwu bu ruẹ dee, ma mwẹ odẹ ne I gha la.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 12:5

Emwa ni mwẹ ekhọe esi ghi gha gu emwa yin ẹse, sokpan, te emwa dan ho ne iran gha rẹrẹ ọ kẹkan.

Itan 15:21

Ẹmwẹ ukọnmwẹ iran wa vuọn avbe ọzuọ ẹko, sokpan, emwa ni wan ghi gha ru vbene ọ kei yi.

Itan 2:9

U gha rhie ehọ mẹ ta yi, u gha rẹn emwi ne ọ gbae, ne ọ kere kevbe ne ọ khẹke.

Itan 8:20

Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Asan-Ibo 2:13

Ẹta a, I rẹnrẹn wẹẹ, “Ẹwaẹn ọ re ọ maa sẹẹ ukọnmwẹ, zẹ vbene uwanmwẹ maa sẹẹ ebiebi.

Asan-Ibo 2:16

A i miẹn ne ọ ye avbe umẹwaẹn rre, a i miẹn ne ọ ye avbe akpa rre. Te a ra mianmian ima hia vbe ẹghẹ ne ọ dee. Te ima hia ra wulo, kevbe avbe umẹwaẹn kevbe avbe ọzuọ.

Jerimaia 13:20

E Jerusalẹm ghe! Ghe! Avbe eghian ruẹn wa ke odẹ okuọ dee! Emwa ne a viọ nuẹn viọ mwẹ vbo, avbe emwa ruẹn ne u ya ghagha.

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.