Ọ na sirra emwa nii hia kha wẹẹ, “E Nọyaẹnmwa khare ighe erriọ rẹn ra bunnọ urọnghọn ne Ọba Nebukiadneza munọ ye avbe uhunmwu ẹvbo hia urhu, kevbe wẹ rẹn gha ru emwi na ọ te sẹ ukpo eva.” Ẹre imẹ ghi na kpao.
Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.