Itan 14:32 - Edo Bible (E Baibol Ẹdo) Version 1996

³² Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Itan 14:32 ပူးပေါင်းရင်းမြစ်များ

Gẹnẹsis 49:18

I diakhẹ ẹghẹ imiẹnfan ruẹn Osanobua.

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Job 18:18

A gha khu ẹe fua hin otọ emwa ni rre agbọn, a ghi khu ẹe fua vbe uwanmwẹ la ebiebi.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Psalm 58:9

Vbe iran te rẹn, te a gha gbẹn iran kua vbe irunmwu. Osanobua gha hoho iran kua vbe ohu ẹre ne ọ wegbe, vbe iran ma he wulo.

Psalm 73:24

U ya ẹmwẹ igiodẹ ruẹ su mwẹ, u ghi ya ọghọ da obọ miẹn mwẹ vbe okiekie.

Itan 11:5

Uyinmwẹ esi sẹtin ye agbọn rọkhọ ne ọmwa esi rre, sokpan, ọmwa dan ọ re ọ ye obọ si emwi ne ọ gbẹe.

Itan 14:33

Ẹwaẹn rre iro ne umẹwaẹn ro hia, avbe ọzuọ ma rẹn emwi ne a tie ẹre ẹwaẹn hiehiere.

Itan 24:16

Inugba ne ọ khọnrẹn wẹ ne ọmwa ne ọ yin ẹse de, te ọ gha ye kpaegbe; sokpan, ọkhọ ọ re ọ fuẹn ọmwa dan an.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Itan 6:15

Rhunmwuda ọna, ẹbe gha rruan iran vbe udomwurri, a gha vbe fian iran ẹwẹn ne ọ da.

Iyẹn ne ọ Maan Ọghe Luk 2:29

“Nọyaẹnmwa, u mu eyan ne u yan rẹn sẹ nẹ. U sẹtin zẹ ọguọmwadia ruẹ urrie vbe ọfumwegbe nian.

Iyẹn ne ọ Maan Ọghe Jọn 8:21

Jesu dọlegbe tama iran wẹẹ, “Mẹ gha kpao, wa gha vbe gualọ mwẹ sokpan wa gha wulo ye uwu orukhọ uwa. Wa i sẹtin yo ehe ne imẹ rrie.”

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

II Kọrinti 1:9

Ọ keghi ye ima vbene a miẹn wẹ, a ta ẹe nẹ wẹ ne a gbele ima uan. Sokpan te ọ na sunu ne a ya ma ima emwi wẹ ne ima ghẹ gha mu ẹtin yan egbe mwa vbe ẹ i re Osanobua ọkpa, ne ọ huẹn orinmwi kpaegbe.

II Kọrinti 5:8

Udu wa hu ima, ọ gha te yẹ ima sẹ ne a kpao sẹ owa ikinnegbe mwa na rae, ne ima ya gu Nọyaẹnmwa gha rrọọ.

Filipai 1:21

Rhunmwuda, de emwi ne ọ mobọ re a rre agbọn na yi? Zẹ vbe ọghomwẹ, Kristi ọre nọ. Rhunmwuda ọnii, uhin ighẹ emwi ne ọ maa sẹ ọnii ọre uwu gha ghi rhie rre.

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”