Itan 14:30 - Edo Bible (E Baibol Ẹdo) Version 1996

³⁰ Ekhọe ne ọfumwegbe ye, te ọ ye egbe rran ọmwa; sokpan te igbọvo yevbe ẹtẹ ne ẹ i mwẹ ukhunmwu.

Itan 14:30 ပူးပေါင်းရင်းမြစ်များ

I Ọba 21:6

Rẹn keghi wanniẹn wẹẹ, “Rhunmwuda ẹmwẹ ne Nabot tama mwẹ nọ. I tama rẹn wẹ ne I dẹ ugbo emwiokọ ẹre ra deghẹ ọnii ọ yọ ọre sẹẹ, ne I mu ọvbehe yọ ẹre re; ọ keghi tama mwẹ wẹ, rẹn i mu ẹẹn mẹ.”

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Itan 12:4

Okhuo esi, emwi ọyẹnmwẹ kevbe ne a ya hio nọ ne ọdọ ẹre. Sokpan, okhuo ne ọ si efa ye ọdọ ẹre egbe te ọ yevbe ẹtẹ ne ọ rre uwu ugboloko.

Itan 15:13

Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Itan 3:8

U gha ru vberriọ, te ọ ra gha ye vbe ukhunmwu esiesi, ọ gha kpe ẹwẹn ruẹn rrie, ọ ghi vbe rhie ọrọkhọrhọ ye obalọ ruẹ.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

II Timoti 1:7

Rhunmwuda, Orhiọn ne Osanobua rhie ne ima, ẹ i re ne ọ ya ima vbiẹre sokpan, te Orhiọn rẹn ya ẹtin vuọn ima kevbe aho ẹmwẹ ọmwa kevbe i ziengbe.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”