Itan 14:22 - Edo Bible (E Baibol Ẹdo) Version 1996

²² Adeghẹ uwẹ winna ne emwi gha maa, emwa ọvbehe ghi gha mu ẹtin yan ruẹn, iran ghi vbe gha ya ọghọ ne uẹn; adeghẹ emwi dan wẹ mu aro yi, u ba odẹ ku.

Itan 14:22 ပူးပေါင်းရင်းမြစ်များ

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

II Krọnikol 6:8

Sokpan, e Nọyaẹnmwa tama rẹn wẹẹ, ‘Iro esi ọ re u zẹe ne u na wẹ u ra bọ ọgua osa mẹ.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 61:7

Gi ẹe gha khaemwisẹ vbe Siria ruẹ ẹdẹdẹmwẹdẹ. Osanobua ya iho ruẹ ne ẹ i beghe, kevbe aguobọmwa ruẹn degue ẹre.

Itan 12:2

Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 12:26

Arọndẹ ọ re ọmwa esi khin ne avbe esiọre, sokpan, obẹlẹ ọmwa dan ghi de iran odẹ.

Itan 14:17

Emwa ne egbe balọ ghi gha yin uyinmwẹ akpa, emwa ni wan sẹẹ ghi hẹko zin egbe.

Itan 14:23

Gha winna, u gha vbe khuan okhuan ẹdẹ ruẹ, adeghẹ te u tota gbe ọta khian, u gha khian ovbiogue.

Itan 19:22

Ifaegbua nọ ne a gha zuan, ivbiogue ọ re ọ maa sẹ avbe ọhọn ohoghe.

Itan 24:8

Adeghẹ ọkhọ ọ re u mwamwa vbe ẹghẹ hia, agbọn ghi do rẹn ruẹn ye ọmwa ne ọ si ẹti khian.

Itan 3:29

Ghẹ zẹ iro emwi ne ọ gha ru ikuanegbe ne ogieva ruẹ, ọmwa ne ọ yin kuẹ nọ, ọ vbe mu ẹtin yan ruẹn.

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Itan 6:14

Iran ghi gha mwamwa emwi dan vbe ekhọe iran ne ọ mu rhu, iran ghi gbe ẹti lele ehe hia.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”