Itan 14:2 - Edo Bible (E Baibol Ẹdo) Version 1996

² Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.

Itan 14:2 ပူးပေါင်းရင်းမြစ်များ

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

II Ọba 17:34

Iran kegha ye yin uyinmwẹ arre iran do sẹ ẹdẹnẹrẹ na. Iran i ga e Nọyaẹnmwa, iran i vbe ya ẹe ru emwi ighẹ uhi ne Nọyaẹnmwa rhie ne ivbi uniẹn Jekọb ne irẹn he ẹre Izrẹl.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 12:4

Banbanna nian, uhin ighẹ te avbe ọse mwẹ ghi giẹ mwẹ, iran gha giẹ, a gha rhe miẹn ighẹ, ọmwata ọ re I khin, I ma rria abe. Sokpan, ẹghẹ ọkpa rrọọ, ne Osanobua na họn erhunmwu mwẹ.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 25:21

Gie umamwẹ kevbe a ta ẹmwata mwẹ rhie mwẹ lẹre, rhunmwuda, I mu ẹtin yan ruẹn.

Itan 11:12

Ukọnmwẹ nọ ne a gha ya unu sakan ẹrrẹe. A dẹghe ọmọ ne egbe maa ọ re u khin, u gha hẹko hunmwan.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 2:15

Avbe ọgueva ne ẹ i gia mu ẹtin yan.

Itan 28:6

A re ovbiogue ne uyinmwẹ adazẹ, ọ re ọ maa sẹẹ ne a gha re ọmwa ẹfe ne ẹwobi.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.