Itan 14:11 - Edo Bible (E Baibol Ẹdo) Version 1996

¹¹ Owa ọmwa dan gha rẹnkhẹn uan nẹ, owa ọmwa esi ghi ye gha rre atẹ.

Itan 14:11 ပူးပေါင်းရင်းမြစ်များ

Job 15:34

A i ra miẹn ivbi uniẹn emwa dan, erhẹn ọ re ọ gha giẹn owa ne a ya igho odieke bọ.

Job 18:21

Erriọ ẹmwẹ agbọn emwa dan ye. Ẹmwẹ agbọn emwa ni ma ka Osanobua yọ.” E Job keghi kha wẹẹ,

Job 21:28

Wẹ ma he gu ọmwa ne ọ khian ladian gha iyẹn ẹdẹ ra?

Job 8:15

Iran gha ye egbe gọ yan ido akpakpa, ọ gha sẹtin da iran yi ra? Iran gha dobọ mu oma oru, ọ gha sẹtin mu iran mudia ra?

Job 8:22

sokpan, ọ gha fa iran ni khuiwu ruẹ a, a ghi ho owa avbe emwa dan bẹkun.”

Job 8:6

A deghẹ ọmwa ẹmwata ne ẹ i mwẹ iruẹn ọ re u gele khin, Osanobua gha rre do yuọ obọ, ọ ghi rhie igiowa ruẹ, dọlegbe ye ihe, zẹ vbe emwi ne a ya san ruẹn ẹse.

Psalm 128:3

Amwẹ ọn gha ye vbe azara ne ọ mọ ọmọ vbe owa ruẹ, avbe ivbuẹ ghi ye vbe erhan oliv, lẹga eteburu ruẹ.

Psalm 37:10

Vbe ọ ma he kpee wan, a gha ho emwa dan bẹkun. U gha gualọ iran sokpan u i ra miẹn iran.

Itan 11:28

Emwa ne ọ mu ẹtin yan ẹfe iran gha dele zẹ vbene ebe khuọn kua vbe ẹghẹ okhuakhua; sokpan, agbọn gha ma ẹmwata zẹ vbene ebe ye vbe ẹghẹ orhọ.

Itan 12:7

Emwa dan gha de nẹ, iran i ghi vbe sẹ emọ rae yotọ, sokpan, ẹgbẹe emwa esi ghi gha vbẹ yọ.

Itan 15:25

E Nọyaẹnmwa gha fuẹn owa emwa ni tọn egbe mu uan, sokpan ọ gha degue emwi ne ẹgbẹ mwẹ.

Itan 21:12

Osanobua ne ọmwa ẹmwata, rẹn emwi ne ọ khian vbe uwu owa ọmwa dan, te ọ ra rhia ọmwa dan ẹdagbọn uan.

Itan 21:20

Avbe umẹwaẹn ghi gha rrọ vbe uwu ẹfe kevbe ọwọrhọwọrhọ, sokpan, avbe akpa, ẹgiẹgiẹ ọ re iran lo igho ne ọ la iran obọ.

Itan 3:33

Te Nọyaẹnmwa fi owa emwa dan unu, sokpan, ọ keghi fiangbe owa emwa esi.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”