Itan 14:10 - Edo Bible (E Baibol Ẹdo) Version 1996

¹⁰ Ọyẹnmwẹ ruẹn, ọwuẹ nọ, orriara ruẹ, ọwuẹ nọ. Ọmwa ne ọ ra guẹ ghae ẹre i rrọọ.

Itan 14:10 ပူးပေါင်းရင်းမြစ်များ

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

II Ọba 4:27

sokpan ọ ghi sẹ ehe ne Elaisia ye, ọ keghi vbokho egbe rriotọ ne ẹẹn, ọ na da ẹre owẹ yi. E Gehazi tera sua okhuo nii fua, sokpan, Elaisia keghi tama rẹn wẹẹ, “Sẹ ọe rae. Wẹ ma miẹn wẹ uwu obalọ ekhọe nọkhua ọre ọ ye na? E Nọyaẹnmwa ma vbe zẹdẹ ya ẹmwẹ ha mwẹ ehọ vbe ekpa ẹre hiehiere.”

Job 10:1

“Agbọn khan mwẹ nẹ, Danmwehọ ẹzọ orriara ne I gui.

Job 21:25

Eso i vbe danmwẹ ọyẹnmwẹ ghe, iran ghi gha rre ekhọe orriara, uwu ẹre ọ re iran vbe wulo yi.

Job 7:11

Ẹn o, vbe i a ghi hunwan hẹ yi! Ohu mu mwẹ, ẹko rriara mwẹ, te I gha guan.

Job 9:18

Ẹ i gunmwẹ gbe amẹ sa wọn. Ọ ye orriara vuọn ẹdẹ agbọn mwẹ hia.

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Itan 15:13

Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Itan 18:14

Ekhọe ruẹ gha rrọ wẹ u ho ne u fe, ọnii sẹtin yevbe eda nuẹn vbe ẹghẹ emianmwẹ, sokpan, ọnii gha lahin rre, idaehọ ruẹ ne okiekie ọ re ọ fo nii.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Iyẹn ne ọ Maan Ọghe Jọn 12:27

“Ekhọe mwẹ wa rhia nian, vbe i a ra miẹn ta yi, te I ghẹ ghi kha wẹẹ, ‘Erha mwẹ ghẹ gie emwi na rruan mwẹ?’ Sokpan, rhunmwuda ọnii ọre I na rre ne I miẹn ehe na do ya egbe miẹn oya na.

Iyẹn ne ọ Maan Ọghe Jọn 14:18

“Mẹ i ra sẹ uwa ọkpa rae, I gha dọlegbe bu uwa rre.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Filipai 4:7

Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.

I Samuẹl 1:15

Rẹn keghi wanniẹn wẹẹ, “Ẹ i re erriọ enọwanrẹn, I ma da ayọn, I ma he vbe da ayọn usin. Oya ọ re ọ ru mwẹ, ọ re I na gha na erhunmwu, I keghi mu ẹmwẹ enegbe mwẹ hia ma e Nọyaẹnmwa.