Itan 13:6 - Edo Bible (E Baibol Ẹdo) Version 1996

⁶ Uyinmwẹ ẹmwata Ọ re ọ sinmwi ọmwa ne ọ ma rukhọ, uyinmwẹ dan ọ re ọ si udemwẹ emwa orukhọ.

Itan 13:6 ပူးပေါင်းရင်းမြစ်များ

I Ọba 1:52

E Solomọn keghi wanniẹn wẹẹ, “A deghẹ ọ ma sọtẹ, a i vbe ye obọ kan ẹre ukpeto ọkpa vbe uhunmwu, sokpan ọ gha sọtẹ, te ọ gha wu.”

I Ọba 13:34

Orukhọ ne ọ ru na ọre ọ silo ẹe ne ẹgbẹe ọre na fuan, ọ na wa gbe ẹro.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 15:2

Ọmwa ne ọ họn ẹmwẹ ne Osanobua vbe emwi hia. Ne ọ ru emwi ne ọ gbae ẹghẹ hia. Ne ẹmwẹ unu ẹnrẹn re ẹmwata kevbe ne ọ sẹ otọ ẹko

Psalm 25:21

Gie umamwẹ kevbe a ta ẹmwata mwẹ rhie mwẹ lẹre, rhunmwuda, I mu ẹtin yan ruẹn.

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Itan 10:29

E Nọyaẹnmwa ọ re ọ degue emwa ẹmwata, sokpan, ọ ghi gha rẹnkhẹn iran ni ru emwi dan an.

Itan 11:20

E Nọyaẹnmwa i ho ẹmwẹ ọmwa ne ọ mwẹ ekhọe ibisi, sokpan, ọ ho ẹmwẹ ọmwa ne ọ ru emwi ẹse.

Itan 11:3

Adeghẹ u maa, a ta ẹmwata ọ re ọ dia ruẹ. Ai ta ẹmwata ọghe iran, ọ re ọ miẹn emwa ne ẹ i gia mu ẹtin yan uhunmwu.

Itan 21:12

Osanobua ne ọmwa ẹmwata, rẹn emwi ne ọ khian vbe uwu owa ọmwa dan, te ọ ra rhia ọmwa dan ẹdagbọn uan.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.