Itan 13:4 - Edo Bible (E Baibol Ẹdo) Version 1996

⁴ Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 13:4 ပူးပေါင်းရင်းမြစ်များ

Gẹnẹsis 26:32

Vbe ẹdẹ nẹ ẹdẹrriọ zẹẹ, eguọmwadia Aizik keghi do tama rẹn wẹẹ iran fian uhae, iran wẹẹ, “Ma miẹn amẹ.”

Psalm 92:14

Ne ọ ye mọ vbe ẹghẹ ọmaẹn ne ẹbe ẹre bi nunuunu vbe ẹghẹ hia ọ ghi vbe wegbe.

Itan 10:4

Ogue ọ re oroho si ye ọmwa egbe, sokpan, a ye obọ mu, ọ re ẹfe la rre.

Itan 11:25

Gha zẹ emwi obọ, u gha mwẹ ẹfe, yi emwa ọvbehe obọ, a gha vbe yi uwẹ obọ.

Itan 12:11

Ọwẹe ne ọ winna ẹse ghi gha mwẹ evbare ne ọ kpọ kua sokpan, ukọnmwẹ nọ ne a ya gha mu ẹghẹ rhia ye iwinna ne ẹ i mwẹ ere.

Itan 12:24

Te iwinna ne a mu aro yi rhie ẹtin ne ọmwa, sokpan, te oroho si ọmwa la iyoha.

Itan 12:27

Adeghẹ ọmwa oroho ọre uwẹ khin, emwi ne u gualọ i sẹ uẹ obọ ẹdẹ, sokpan, adeghẹ u mu aro ye iwinna, u gha mwẹ emwi ẹsẹse.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Itan 20:4

Ọwẹe ne evburriẹ ma gie ẹe gua ye ihe, ẹ i miẹn emwi rhọ.

Itan 21:25

Ọmwa oroho ne ọ wẹ rẹn i winna, te ọ gbe egbe ẹre.

Itan 21:5

Mwamwa emwi ẹse, u gha mwẹ emwi ẹsẹse, u gha ye oguegue ru emwi, u i mwẹ sẹ ẹdẹ.

Itan 24:30

I la ugbo kevbe ogba azara ọghe ọmwa oroho ne akpa gberra.

Itan 24:31

Akọsọ ọ re ọ gba ẹre, irunmwu kevbe mu ẹẹn. Ekẹn okuta ne a gbe lẹga ẹre de guọghọ ua nẹ.

Itan 26:13

Demwi ne ọ ye avbiẹrẹ khui egbe ye owa yi? Demwi ne ohan rẹn muẹn yi? Avbe oduma nọ ra?

Itan 28:25

Ne a rẹn ọghe egbe ọmwa ọkpa, orueghe ọ re ọ si rre. U mu ẹtin yan e Nọyaẹnmwa, ọ re ọ wa fu egbe sẹẹ.

Itan 6:6

Ọ kere ne avbe avbiẹrẹ gha miẹn avbe iranmwẹ wan vbene iran ru emwi hẹ,

Itan 8:34

Ọmwa ne ọ danmwehọ mwẹ gha miẹn oghọghọ. Ọmwa ne ọ mudia ye onurho mwẹ ẹdẹgbegbe ne ọ khẹ vbe ehe ne a la la owa mwẹ.

Ihuan Ne Ọ Sọọ Ihuan Hia 5:3

I kuọ ukpọn ye otọ nẹ vbe I a ghi ra vbe he ọ re ye egbe baa? I kpe owẹ mwẹ nẹ, vbe I a ghi ra vbe yae gbe iruẹn hẹ?

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Hibru 6:11

Emwi ne ima mobọ ho ọrọre wẹ, ne dọmwadẹ ọghọe vbe uwu uwa ye obọ da isasegbe ne ọ guẹe yi, ya sẹ ufomwẹ, ne emwi ne uwa rhie aro yi sẹtin gha ye rriọ.

Jọsua 7:3

Iran ghi do na iyẹn ma e Jọsua, iran tama rẹn wẹẹ, “Ọ ma sẹ ne agbọn hia gha wa gha rrie. Gie ọmwa arhin arriaisẹn eva ra eha ne iran ya khọn Eai. Ghẹ gie emwa hia wa gha khian ya khọn rhunmwuda, ẹ i re ẹvbo ne ọ kpolo.”