3 Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.
E Nọyaẹnmwa, rhie ọkhẹ yọmwẹ unu, kevbe abodẹ ye onurho akhuarhamwunu mwẹ.
Adeghẹ erriọ nọ, ghẹ gha ta ẹmwẹ dan, ghẹ gha ta ohoghe.
Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”
Ọmwa ne ọ wan ghi viọ irẹnmwi ne ọ miẹn hia, sokpan, akpa gha guan, u ghi rẹn ighe olighi ra la evba.
Omwa vbene a talọ sẹ, ọ re a vbe ya ru orukhọ. A dẹghe wẹ wan, te u gha hẹko hunwan.
Avbe umẹwaẹn ghi rhie vbe a gha bu iran ude esi. Emwa ni guan ẹmwẹ ukọnmwẹ gha fuan.
Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.
Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.
Itengbemu ọ re ọ gie akpa gha talọ gbe; ẹmwẹ umẹwaẹn ọ re ọ degue ẹre.
Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.
Ọzuọ gha guan, egbe ẹre ọ re ọ murhia; ifi ne ẹmwẹ ne unu ẹnrẹn khuẹn ghi mu ẹẹn.
Ọmwa ne ọ guẹ ewẹwẹwẹ ne a ta, ẹ i sẹtin rhie ẹmwẹ oro lẹre. Gha gban egbe ne emwa ni talọ gbe.
U gha ho ne u ghẹ miẹn orueghe, gha roro ẹmwẹ u te tae.
Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.
Rẹn keghi tama rẹn wẹẹ, “Iran gha ya irri ọgbọn ne a ma he ka lo yi gba mwẹ, I ghi do gha ye mitan mitan vbe emwa ọvbehe.”
Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”