Itan 13:25 - Edo Bible (E Baibol Ẹdo) Version 1996

²⁵ Ọmwata mwẹ sẹ vbene ọ gha ho ne ọ re, sokpan te ohanmwẹ gbe avbe emwa dan vbe ẹghẹ hia.

Itan 13:25 ပူးပေါင်းရင်းမြစ်များ

Psalm 103:5

Ọ ya emwi ni maa vuọn ẹdẹ agbọn mwẹ, sẹrriọ wẹ te imẹ ye ye gbain I keghi ye bọlọzọ zẹ vbe oghohọn.

Psalm 132:15

I gha viọ emwi ne Zaiọn ho hia ne ẹẹn wọrhọwọrhọ, I gha ya evbare vuọn avbe ivbiogue ni rrọọ ẹko.

Psalm 34:10

Avbe oduma sẹtin gha vbabọ evbare, sokpan iran ni họn ẹmwẹ ne Nọyaẹnmwa i ra vbabọ emwi nẹ Ọ maa rhọkpa.

Psalm 37:16

Ive emwi kherhe ne ọmwata mwẹ, sẹ ẹfe emwa dan hia fẹẹrẹ,

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Itan 10:3

E Nọyaẹnmwa i ra gie ohanmwẹ gbe ẹmwata, sokpan, ẹ i ra gie emwi ne emwa dan ho sẹ iran obọ.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 24:34

Sokpan, u gha vbiẹ nii, ogue ghi de kun ruẹn guẹ gbinna zẹ vbe ikpata oyi.

Itan 6:11

Sokpan, ẹghẹ ne ọ ya vbiẹ nii, ogue dekun ẹnrẹn zẹ vbe ikpata.

Iyẹn ne ọ Maan Ọghe Luk 15:14

Ọ ghi lo ehia fo nẹ, ukhunmwu nọkhua keghi do fi la otọe ni hia, ọ keghi gha rre ivbabọ.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”