Itan 13:24 - Edo Bible (E Baibol Ẹdo) Version 1996

²⁴ Adeghẹ u i gbe ovbuẹ hin ọkhọ rre, ọnii rhie ma wẹ u i ho ẹmwẹ ọnrẹn. Adeghẹ u ho ẹmwẹ ọnrẹn, te u gha dia ẹre ye odẹ.

Itan 13:24 ပူးပေါင်းရင်းမြစ်များ

Itan 19:18

Ma ivbi uẹ emwi vbe iran ma he wan gbe ne ọ sẹtin ruẹ emwi guẹ. Adeghẹ u ma ru ẹe vberriọ, te u ru iyobọ ne iran ya fuẹn egbe iran an.

Itan 22:15

Obọ ibiẹka ọ re a na miẹn uyinmwẹ iruẹn kevbe ukọnmwẹ, sokpan, ubi ne a dan ọmọ re vbe ikebe, gha ma iran vbene ọ kere ne a gha ru emwi hẹ.

Itan 29:15

A gu ọmwa gui kevbe a gbe ọmwa hin ọkhọ rre, wa maa ne ibiẹka. Adeghẹ a gie ọmọ wa gha ru emwi ne ọ rhirhi khọn rẹn, te ọ ra gie ekhue ẹre gha mu iye ẹe.

Itan 29:17

Ma ovbuẹ emwi, te u ra ya ẹe gha hio. Ẹ i vbe mwẹ ẹghẹ okpa ne ọ gha ya ye ekhue mu ẹẹn.

Itan 3:12

Emwa ne Nọyaẹnmwa ho ẹmwẹ ọnrẹn ọ re ọ dia ye odẹ, zẹ vbene erha dia ọmọ ne ọ ya hio ye odẹ.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Iyẹn ne ọ Maan Ọghe Luk 14:26

“Ọmwa ne ọ bu mwẹ rre, ẹ i sẹtin ru ọrhuanegbe mwẹ, deghẹ i re te ọ khuiwu erha ẹe, iye ẹe, amwẹ ọnrẹn, ivbi ẹre, etiọnrẹn ne ikpia kevbe etiọnrẹn ne ikhuo.

Diuteronomi 8:5

Wa ye rre wẹ te Nọyaẹnmwa gha dia rua, ọ na vbe gha rri uwa oya zẹ vbene erha gbele ivbi ẹre hin ọkhọ rre zẹẹ.