Itan 13:21 - Edo Bible (E Baibol Ẹdo) Version 1996

²¹ Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 13:21 ပူးပေါင်းရင်းမြစ်များ

Gẹnẹsis 4:7

Akpawẹ te u ru ẹse, te u ghẹ gha mumu ogiẹ nian. Sokpan, vbe ne u ghi na ru emwi dan nẹ nian, orukhọ ye vbe aranmwẹ ne ọ si rhuẹ khẹ ruẹ ne ọ gua a rhie vbe onurho. Ọ ho ne ọ gha kha yan ruẹn sokpan ọ kere ne obọ ruẹ ke odukhunmwu nẹẹn.”

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Psalm 54:5

Te Osanobua gha ya emwi dan iran, rri avbe eghian mwẹ oya, ọ gha fuẹn iran an, rhunmwuda, rẹn gia mu ẹtin yan.

Itan 11:31

Te a wa san iran ni maa ẹse vbe agbọn na, wẹ ghi la evba rẹn wẹ te a gha rria emwa dan kevbe emwa orukhọ ikhi.

Itan 13:13

A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.

Itan 17:13

U gha ya ọkhọ ha osa ọ maa, ọkhọ i lahin owa ruẹ rre ẹdẹdẹmwẹdẹ.

Itan 24:16

Inugba ne ọ khọnrẹn wẹ ne ọmwa ne ọ yin ẹse de, te ọ gha ye kpaegbe; sokpan, ọkhọ ọ re ọ fuẹn ọmwa dan an.

Aizaia 47:11

Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Ezikiẹl 7:5

Emwi ne Nọyaẹnmwa ne Udazi khare ọ re ọna khin, “Ọkhọ ra do rruan uwa ke egbe ke egbe.

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Iwinna 28:4

Emwa ẹvbo ni ghi miẹn vbe ẹyẹn nii sikan mu Pọl obọ, iran na gha kha wẹẹ, “Ọ gha kẹe izigha oko na wa khin, egbe ne ọ ya miẹn uhunmwu rhie ladian vbe ẹzẹ na. Ẹrinmwi ma ye faẹn.”