Itan 13:2 - Edo Bible (E Baibol Ẹdo) Version 1996

² A gha san emwa esi ẹse ye ẹmwẹ ne iran guan, sokpan, iran ni re emwa erẹrẹ, e piankhanrhan ọ re iran fie ho khin.

Itan 13:2 ပူးပေါင်းရင်းမြစ်များ

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Itan 1:18

Sokpan, emwa vberriọ egbe iran ọ re iran rhuẹ ifi khẹ, ifi ne iran ra wulo yi.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 10:11

Ẹmwẹ ne unu ọmwa esi, isi a rrọọ nọ. Sokpan, ẹmwẹ ne unu ọmwa dan rhie egbe ọkhọ ma.

Itan 11:23

Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 18:20

Mu egbe ne u ya ye egbe miẹn emwi ne ọ la ẹmwẹ ne u ye unu ruẹn ta ladian.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 4:17

Uyinmwẹ dan kevbe ọkhọ, te iran ye vbe evbare kevbe amẹ ne iran.

Hozia 10:13

Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Habakọk 2:17

U tọn ẹgbo Lebanọn gbe otọ nẹ, banbanna nian a gha vbe tọn uwẹ gbe otọ, u gbele aranmwẹ ọnrẹn nẹ, banbanna nian, te avbe aranmwẹ ọnrẹn ghi ra runran uwẹ. Ena gha sunu rhunmwuda izigha ne u dee kevbe uyinmwẹ ika ne u yin ghe emwa ne agbọn na kevbe avbe okpẹvbo ni rrọọ.

Habakọk 2:8

Ẹ i re avbiẹ emwa ẹvbo nibun ọ re uwa he fu ẹre emwi viọ sokpan, banbanna nian, iran ni miẹn uhunmwu vbọ gha vbe do fu uwa emwi viọ rhunmwuda izigha ne uwa de kevbe rhunmwuda uyinmwẹ ika ne uwa yin ghe agbọn kevbe avbe okpẹvbo ni rrọ.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”