Itan 13:19 - Edo Bible (E Baibol Ẹdo) Version 1996

¹⁹ U miẹn vbene ọ maa hẹ ne emwi ne ọmwa ho sẹ ọre ohọ! Avbe akpa i ho ne iran zobọ vbe emwi dan ne iran ru.

Itan 13:19 ပူးပေါင်းရင်းမြစ်များ

I Ọba 1:48

Ọ keghi kha wẹẹ, ‘Wa gie ima rho e Nọyaẹnmwa ne Osanobua Izrẹl, ne ọ gie ọkpa vbe uwu ivbi mwẹ rhie ihe mwẹ vbe ẹkete ẹdẹnẹrẹ na, ọ keghi vbe gun mwẹ tọ ne aro mwẹ sẹ ọe.’ ”

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 29:10

Emwa ne okuo ọpia yẹ, te iran ra khuiwu ọmwa ne ọ ta ẹmwata, sokpan, emwa ẹmwata ghi hẹko tan obọ ga ọmwa vberriọ.

Itan 29:27

Ọmwata i ho ẹmwẹ ọmwa dan, ọmwa dan i vbe ho ẹmwẹ ọmwata.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Ihuan Ne Ọ Sọọ Ihuan Hia 3:4

I ghi wa da kpao vbe ehe ne iran yerre I keghi miẹn ọẹn I keghi gbae ginna egbe, I ma ghi sẹ ọẹ rae. Rhinrin I te do rhie ẹre gha die owa iye mwẹ, gha die ughugha ne a na biẹ mwẹ.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”