Itan 13:13 - Edo Bible (E Baibol Ẹdo) Version 1996

¹³ A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.

Itan 13:13 ပူးပေါင်းရင်းမြစ်များ

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Psalm 115:13

Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Ẹksọdọs 9:20

Afianma keghi fian eso vbe uwu ekhaẹmwẹ ọba Igipt rhunmwuda ẹmwẹ ne Nọyaẹnmwa ta ẹe, iran na viọ eviẹn kevbe emwirri la owa.

Itan 1:25

Wa fi iyeke gbe ibude mwẹ hia, wa ma vbe kue yọ wẹ ne I dia uwa ye odẹ.

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 16:20

Gha danmwehọ emwi ne a ma ruẹn re, ọ gha dunna nuẹn; mu ẹtin yan e Nọyaẹnmwa, ẹko gha sẹ uẹ ọyẹnmwẹ.

Itan 19:16

Gha ya uhi Osanobua ru emwi, u gha tọ, u gha fi iyeke gbe iran, u gha wu.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:16

I yan eyan ni rhunmwuda, iran he iyi mwẹ yotọ, iran rra uhi mwẹ, iran keghi vbe mu Ẹdẹ Ikẹtin rhia, ẹbọ iran ne iran ga ọ re ọ yẹ iran sẹ.

Ezikiẹl 20:24

I ru ọna, rhunmwuda, iran he iyi mwẹ yotọ, iran rraa uhi mwẹ, iran mu Ẹdẹ Ikẹtin rhia, iran keghi vbe gha gho avbe ẹbọ ne avbe erha iran ghoro.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Nọmbas 15:31

Rhunmwuda, ọ he ẹmwẹ ne Nọyaẹnmwa tae, ọ na ba rra ọkpa vbe uwu avbe uhi ẹre. Obọ ẹre ọre ọ ya si emwi ne ọ gbẹe.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Iyẹn ne ọ Maan Ọghe Luk 16:31

Sokpan Ebraham wanniẹn wẹẹ, ‘Deghẹ iran ma rhie ẹmwẹ ne Mosis kevbe avbe akhasẹ ta, ọmwa gha rhe rhiọrre vbe orinmwi ya gu iran guan, iran i vbe rhie.’ ”

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.