Itan 13:11 - Edo Bible (E Baibol Ẹdo) Version 1996

¹¹ Ẹfe ne ọ ma sọn ọ sẹ ọmwa obọ, ẹ i vbe sọn ọ kpao sẹ ọmwa rae, vbene ọ ya lọghọ a ke miẹn ọẹn, erriọ ọ re ọ vbe ya di ọmwa obọ ya.

Itan 13:11 ပူးပေါင်းရင်းမြစ်များ

Job 20:15

Ọmwa dan ghi kpa ẹfe ne ọ do hẹ ladian Osanobua ghi rhie ẹre ke uwu ẹkpokhurhu ẹre ladian.

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Itan 10:2

Ẹfe ne a ye ogberhu miẹn i ra maa ne ọmwaikọmwa, sokpan te uyinmwẹ ẹmwata de ọmwa ye agbọn.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Itan 20:21

Adeghẹ ọ ma lọghọ ọ u ke miẹn ẹfe ruẹ, ẹ i ra vbe mobọ maa nuẹn.

Itan 21:6

Ẹfe ne u ya uyinmwẹ ogberhu miẹn, te ọ rherhe zagha, sokpan, ọ te zagha, ọ ghi ka siọ sẹ agbanmwẹ idin nẹ.

Itan 28:20

Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.

Itan 28:22

Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.

Itan 28:8

Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Asan-Ibo 5:14

Vbe iyeke ọnii, ọ ghi rhia ehia a ye ẹki ne a ma do ẹse, vbene ẹ i ghi na vbe miẹn emwi okpa fi ye emọ otọ.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.