Itan 12:8 - Edo Bible (E Baibol Ẹdo) Version 1996

⁸ U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Itan 12:8 ပူးပေါင်းရင်းမြစ်များ

Gẹnẹsis 41:39

Ẹre ọba na khama Josẹf wẹẹ, “Vbene Osanobua ghi na rhie emwi na ma ruẹn nẹ, ọmwa ọvbehe ne ẹdẹgbe vbe ẹko ra ne ọ wan sẹẹ ruẹ, ẹ i ghi rrọọ.

Psalm 132:18

I gha ye ekhue gbe avbe eghian rẹn egbe sokpan arriọba ẹre gha dunna ọ ghi vbe gha muan yọ.”

Itan 1:26

Rhunmwuda ọnii, wa gha rre ibaro, I gha giẹ uwa. I gha ya uwa gbogiẹ vbe ugborrirri a fi emwi.

Itan 12:7

Emwa dan gha de nẹ, iran i ghi vbe sẹ emọ rae yotọ, sokpan, ẹgbẹe emwa esi ghi gha vbẹ yọ.

Itan 12:9

Ne a gha re ọmwa kẹkan ne ọ khuan igho evbare unu ẹnrẹn, ọ re ọ fu egbe sẹ ne a mu akpa okpọmwa yọ vbe ne ai na mwẹ evbare unu.

Itan 29:27

Ọmwata i ho ẹmwẹ ọmwa dan, ọmwa dan i vbe ho ẹmwẹ ọmwata.

Itan 3:35

Emwa ni wan gha titi vbe ọghọ sokpan, te akpa ra gha dọlegbe ya obọ silo efaa rri egbe.

Itan 5:23

Ọ wu, rhunmwuda, Ọ ma rẹn vbe ne a ziengbe emwi hẹ. Ukọnmwẹ ọnrẹn ne ọ wia ọ re ọ ra gie ẹre idin.

Asan-Ibo 8:1

Ọmwa ne ọ wan okpa ọ re ọ rẹn emwi ne a mobọ ya emwi kha. Ẹwaẹn ọ re ọ ya ẹe mu ẹẹn mu ẹẹn ogiẹ, ọ ghi vbe gia ho aro ẹre ne sukusuku bẹkun.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 10:18

Rhunmwuda, ọmwa ne Nọyaẹnmwa ka ẹe ye ne ọ maa ọre a ka ye ne ọ gbe ẹse, ighẹ ẹ i re ne ọ ye unu ẹnrẹn ka egbe ẹre ye ọmwa ne ọ maa.

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”

I Samuẹl 18:30

Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”