Itan 12:5 - Edo Bible (E Baibol Ẹdo) Version 1996

⁵ Emwa ni mwẹ ekhọe esi ghi gha gu emwa yin ẹse, sokpan, te emwa dan ho ne iran gha rẹrẹ ọ kẹkan.

Itan 12:5 ပူးပေါင်းရင်းမြစ်များ

Psalm 119:15

I ruẹ igiodẹ ruẹ, I vbe ghe emwi ne u ma emwa re ghe.

Psalm 139:23

Gualotọ mwẹ Nọyaẹnmwa, ne u rẹn vbene ekhọe mwẹ ye hẹ; danmwẹ mwẹ ghe, ne u rẹn iro ekhọe mwẹ.

Itan 11:23

Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Itan 12:4

Okhuo esi, emwi ọyẹnmwẹ kevbe ne a ya hio nọ ne ọdọ ẹre. Sokpan, okhuo ne ọ si efa ye ọdọ ẹre egbe te ọ yevbe ẹtẹ ne ọ rre uwu ugboloko.

Itan 12:6

Izigha ọ re ẹmwẹ ne unu emwa dan khin, sokpan, ẹmwẹ ne unu ọmwa esi ghi gha fannọ emwa ne a yan khẹ yotọ.

Itan 14:8

Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Itan 24:9

Emwi ne akpa a rhirhi zẹ iro ẹre rre, orukhọ nọ. Emwa hia ọ re ọ khu iwu ọmwa ne ọ zan emwa ọvbehe vbe ẹghẹ hia.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Jerimaia 9:5

Dọmwadẹ ọghọe bibi ọsiọre odẹ a i ghi miẹn ne ọ ta ẹmwata iran ma aranmwẹ iran ohoghe ne a ta iran i vbe dobọ orukhọ ne a ru yi. Iran ru emwi ọkhọ okpa yan ọvbehe iwinna erẹrẹ okpa ghi lele ọvbehe e Nọyaẹnmwa tae i ghẹ emwa irẹn hee irẹn yotọ nẹ.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 26:4

Iran keghi mwamwa vbene iran gha ya do mu Jesu hẹ ne iran gbe ẹe rua.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.