Itan 12:3 - Edo Bible (E Baibol Ẹdo) Version 1996

³ Uyinmwẹ dan i gie ẹkun sẹ ọmwa otọ, sokpan, ọmwa ẹmwata ghi mudia gbain.

Itan 12:3 ပူးပေါင်းရင်းမြစ်များ

Job 15:29

Sokpan, okuo gha rẹnkhẹn avbe owa kevbe ẹvbo nii uan. Ẹfe ni i ra tọ vbe obọ ẹre, ne ọ ra tọ vbe emwi ne ọ mwẹ i rrọ. Uhin ighẹ te a ra ho aghọnghọn rẹn bẹkun.

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Itan 10:25

Okpẹhoho gha rre, ọ ghi kpolo avbe emwa dan gha rrie sokpan emwa ne ẹ i ru ero rrọọ vbe ai mwẹ ẹbe.

Itan 11:5

Uyinmwẹ esi sẹtin ye agbọn rọkhọ ne ọmwa esi rre, sokpan, ọmwa dan ọ re ọ ye obọ si emwi ne ọ gbẹe.

Itan 12:12

Emwi okpa ne ọ rre ekhọe emwa dan ọrọre vbene iran gha na miẹn emwi dan ru hẹ, sokpan, ọmwa ẹmwata ghi mudia gbain.

Asan-Ibo 8:8

Ọmwa okpa ne ọ gha sẹtin wẹ rẹn i wu, ẹ i rrọ, ra ne ọ si ẹdẹ uwu ẹre ke odaro. Okuo ne ima i sẹtin lẹ fe ọ re ọnii khin. Ero ne ọ ya ban ọmwa la i rrọ.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Kọlose 2:7

Wa gie inian uwa dinmwi ye uwu irẹn, wa hẹnhẹn ẹdẹ agbọn uwa yan irẹn, ne uwa gha wegbe yọ vbe uwu iyayi uwa, zẹ vbene a ma uwa ẹre. Wa gie ẹko uwa vuọn ne ekpọnmwẹ.

I Samuẹl 25:33

Kpọnmwẹ Osanobua ye ẹwaẹn esi ruẹ kevbe emwi ne u ru ẹrẹna ne u ma na gun mwẹ ru a i ghẹru de izigha kevbe ne u ma na gun mwẹ rria ikhi egbe mwẹ.