Itan 12:25 - Edo Bible (E Baibol Ẹdo) Version 1996

²⁵ Ohawa sẹtin rhie ọyẹnmwẹ hin ọmwa obọ rre, sokpan, ẹmwẹ itohan ghi gha ya ọyẹnmwẹ sẹ ọmwa.

Itan 12:25 ပူးပေါင်းရင်းမြစ်များ

Itan 16:24

Te ẹmwẹ itohan ye vbe owọn, ọ rhiẹnrhiẹn ne a re, ọ vbe rhie egberranmwẹ ne ọmwa.

Itan 15:13

Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Zẹkaraia 1:13

E Nọyaẹnmwa keghi ye avbe ẹmwẹ ni fu ọmwa ẹko rre rhie ewanniẹn ne odibosa nii.

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 27:9

Ori ke emwi ne a sa ye egbe ne ọ winhin, te ọ ye ẹko rhiẹnrhiẹn sokpan, orueghe, te ọ mu ọmwa orhiọn rueghe.

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Itan 18:14

Ekhọe ruẹ gha rrọ wẹ u ho ne u fe, ọnii sẹtin yevbe eda nuẹn vbe ẹghẹ emianmwẹ, sokpan, ọnii gha lahin rre, idaehọ ruẹ ne okiekie ọ re ọ fo nii.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Psalm 38:6

Te I ghi hie fo vbe uhanbọ, a rẹnkhẹn mwẹ uan, te I ghi khiẹ ne ebi ro.

Itan 15:15

Edomian ne ẹ i gbe amẹ sa wọn ọ re ẹdagbọn ovbiogue khin, sokpan, emwa ne ẹko rhiẹnrhiẹn ghi gha kuobọyuwa ẹghẹ hia.

Itan 14:10

Ọyẹnmwẹ ruẹn, ọwuẹ nọ, orriara ruẹ, ọwuẹ nọ. Ọmwa ne ọ ra guẹ ghae ẹre i rrọọ.

Itan 12:26

Arọndẹ ọ re ọmwa esi khin ne avbe esiọre, sokpan, obẹlẹ ọmwa dan ghi de iran odẹ.

Itan 15:30

Aro ni mumu ogiẹ ghi gha ya ẹko ọmwa rhiẹnrhiẹn, iyẹn esi ghi gha ye ọmwa rran sayọ.