Itan 12:2 - Edo Bible (E Baibol Ẹdo) Version 1996

² Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 12:2 ပူးပေါင်းရင်းမြစ်များ

II Samuẹl 15:3

Absalọm ghi kha wẹẹ, “Uma miẹn nian, u te wa rri ase, sokpan, ọmwa ne ọba zẹe ye otọ i rrọọ ne ọ gha guan yọ ne uẹn.”

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 9:15

Iran ni ma yayi dele ye uvun ne iran tọẹn. Ifi ne iran khuẹn munọ iran.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 12:1

Ọmwa ne ọ ho ẹmwẹ irẹnmwi ghi gha ho ne a tama irẹn vbe ọ gha ba emwi ku ru. Adeghẹ ọmwa i ho ne a dia ẹre ye odẹ, ukọnmwẹ nọ.

Itan 14:17

Emwa ne egbe balọ ghi gha yin uyinmwẹ akpa, emwa ni wan sẹẹ ghi hẹko zin egbe.

Itan 14:22

Adeghẹ uwẹ winna ne emwi gha maa, emwa ọvbehe ghi gha mu ẹtin yan ruẹn, iran ghi vbe gha ya ọghọ ne uẹn; adeghẹ emwi dan wẹ mu aro yi, u ba odẹ ku.

Itan 3:4

U gha ru vbenian, u gha miẹn aro ne ọ maa vbe obọ Osanobua kevbe emwa nagbọn.

Itan 8:35

Ọmwa ne ọ gualọ mwẹ miẹn, arrọọ ọ re ọ miẹn, ẹko ẹre gha vbe rhiẹnrhiẹn e Nọyaẹnmwa.

Asan-Ibo 8:8

Ọmwa okpa ne ọ gha sẹtin wẹ rẹn i wu, ẹ i rrọ, ra ne ọ si ẹdẹ uwu ẹre ke odaro. Okuo ne ima i sẹtin lẹ fe ọ re ọnii khin. Ero ne ọ ya ban ọmwa la i rrọ.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Ebe ne Pọl gbẹẹn gie emwa Rom 5:7

Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.