Itan 12:13 - Edo Bible (E Baibol Ẹdo) Version 1996

¹³ Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 12:13 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

II Samuẹl 4:9

E Devid keghi wanniẹn iran wẹẹ, “I vẹn ihẹn vbe eni e Nọyaẹnmwa nọ rrọọ ne ọ miẹn mwẹ fan vbe uwu ẹbe hia.

I Ọba 2:23

Ẹre Solomọn na yan wẹẹ, “Te Osanobua gha kinmwi mwẹ gbe ua a deghẹ ima ru ẹe ne Adonaija ye uhunmwu khiọ emwi ne ọ nọ rẹn na!

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Psalm 34:20

Te Nọyaẹnmwa wa degue ẹre fo, a i vbe bun ọkpa vbe ugboloko ẹre.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Psalm 59:12

Orukhọ rre aranmwẹ iran, orukhọ ọ re ẹmwẹ ne unu iran hia khin, te ifi itengbemu iran gha mu iran, rhunmwuda ne iran na tie ẹbọ, ne iran na vbe ta ohoghe.

Psalm 59:13

Fuẹn iran an vbe ohu ruẹ, wa fuẹn iran an fẹẹrẹ, ẹghẹ nii, emwa hia ghi rẹn wẹ Osanobua ọ re ọ khaemwisẹ vbe Izrẹl kevbe wẹ asẹ ọ re gba otọe agbọn hia.

Psalm 64:8

Ọ gha fuẹn iran an rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu.

Itan 10:8

Avbe umẹwaẹn ghi rhie vbe a gha bu iran ude esi. Emwa ni guan ẹmwẹ ukọnmwẹ gha fuan.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 21:23

U gha ho ne u ghẹ miẹn orueghe, gha roro ẹmwẹ u te tae.

Itan 6:2

Ẹmwẹ ne unu ruẹn ginna an ra, ra ne emwi ne u ve vbe degbuẹ?

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.