Itan 12:11 - Edo Bible (E Baibol Ẹdo) Version 1996

¹¹ Ọwẹe ne ọ winna ẹse ghi gha mwẹ evbare ne ọ kpọ kua sokpan, ukọnmwẹ nọ ne a ya gha mu ẹghẹ rhia ye iwinna ne ẹ i mwẹ ere.

Itan 12:11 ပူးပေါင်းရင်းမြစ်များ

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 26:4

Mẹ i gu emwa ẹwobi mu obọ, mẹ i gu emwa ni fian yan egbe khian.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 13:23

Oha ne a ma mu ẹre ugbo gha te sẹtin ma emwiokọ ne avbe ivbiogue, sokpan avbe emwa dan i gie a mu ẹre ugbo.

Itan 14:23

Gha winna, u gha vbe khuan okhuan ẹdẹ ruẹ, adeghẹ te u tota gbe ọta khian, u gha khian ovbiogue.

Itan 14:4

Vbene ẹmila ne a ya si emwi ne a ya vulo otọ i na rrọ, ai miẹn emwi rhọkpa vbe erru, sokpan ọ gha rrọ, erru gha vuọn ne emwiokọ.

Itan 20:13

U gha zẹdẹ vbiẹ, u gha khian ovbiogue. Gha winna vbe ẹghẹ hia, u gha miẹn evbare re ọwọrhọwọrhọ.

Itan 27:27

Ni ghi dekẹe vbe ẹwe nii, u gha sẹtin miẹn ewẹn ọnrẹn ne ọ gha sẹ uẹ ya koko egbuẹ kevbe ẹgbẹe ruẹ, deba avbe eguọmwadia emọ ikhuo ni guẹ vbọ.

Itan 28:19

Ọwẹe ne ọ mu aro ye iwinna ghi miẹn gha re wọrhọwọrhọ, ọmwa ne ọ rhọ eghẹrẹ, i kpao vbe ovbiogue rre ẹdẹ.

Itan 6:32

Sokpan ọmwa ne ọ ru ọghe i zẹdẹ wan hiehiere. Te ọ wa gbe egbe ẹre khian nii.

Itan 7:7

I keghi bẹghe igbama ni ma he rẹn agbọn nibun, I keghi wa bẹghe ọzuọ okpa vbọ.

Itan 9:13

Ukọnmwẹ yevbe okhuo ne ọ talọ, ne ọ ma rẹn ne a ye, kevbe ne awa lala ẹre aro.

Itan 9:16

“Wa larre vbe uwu owa, wa ni ma rẹn ne a ye.” Ọ ghi vbe tama akpa wẹẹ,

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

II Tẹsalonaika 3:8

Ma ma miẹn eghọ ọmwaikọmwa vbe ne ima ma na ha osa yọ, vberriọ te ima gha winna, a na gha miẹn ẹsọn, asọn kevbe avan, ọ re ima ya gha winna, ne a ghẹ do khian osa ye ọmwaikọmwa urhu vbe uwu uwa.

Giọgis 9:4

Iran keghi viọ igho esiliva ekigbesiyenẹ vbe aro Bal-ọghe-lle, iran na viọ ne ẹẹn, ọ na ya ye igho na viọ avbe emwa ni kuogboi ye ẹvbo eso ba egbe ne iran lele irẹn gha khian.