Itan 11:9 - Edo Bible (E Baibol Ẹdo) Version 1996

⁹ Ẹmwẹ unu emwa ne ekhọe ẹre mu rhu, sẹtin rhia ọmwa ẹdagbọn ruan, sokpan ẹwaẹn ọmwa ẹmwata sẹtin miẹn ruẹn fan.

Itan 11:9 ပူးပေါင်းရင်းမြစ်များ

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

Job 34:30

Emwi ọkpa ne agbọn uhunmwu ẹvbo ra miẹn ru i rrọ, ne emwa dan ni hin emwa unu, ghẹ ghi khaemwisẹ yan iran.

Job 8:13

Emwa ni ma rẹn Osanobua yevbe avbe irunmwu nii, iran gha mianmian Osanobua ne idaehọ iran fo.

Psalm 55:12

Akpawẹ oghian ọ re ọ ya mwẹ gbogiẹ, te I gha zin ẹnrẹn, akpawẹ ọmwa ne a gba suan ọ re ọ rhuọ gunmwẹ, te I gha rhie egbe mwẹ lẹre ne ẹẹn.

Itan 11:6

Uyinmwẹ ẹmwata sẹtin fan ọmwa ẹmwata vbe irri, sokpan, ọmwa ne ẹ i gia mu ẹtin yan, arovbẹmwẹ ọnrẹn ọ re ọ ra khuẹn ifi mu ẹẹn.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 16:29

Emwa ni khọ gha rẹrẹ ọse iran nẹ, iran ghi silo iran obọ la ọfuan.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iyẹn ne ọ Maan Ọghe Mak 13:14

“Wa ghi do miẹn ‘Omurhia Ne Ugborrirri’ vbe ọ gha miẹndia ye ehe ne ọ ma khẹ ke.” (Wẹ ne ọ tiebe na, hia ne u rẹn odun ẹmwẹ na.) “Ẹghẹ nii wa ni rre Judia, wa lẹ gha rrie uhunmwu oke.

Iwinna 20:30

Ẹghẹ dee ne emwa eso vbe uwu uwa gha na ta ohoghe ne iran ya bibi emwa ni yayi eso odẹ hẹ ba egbe.

I Jọn 2:21

Rhunmwuda ọnii, ẹ i re rhunmwuda ighẹ wa ma rẹn nene ẹmwata ọre ọ ya mwẹ gbẹn ebe gie uwa, sokpan rhunmwuda ighẹ wa rẹn ọnrẹn nọ, wa keghi vbe rẹn wẹ ohoghe i sẹtin ke uwu ẹmwata ladian ẹdẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.