Itan 11:7 - Edo Bible (E Baibol Ẹdo) Version 1996

⁷ Ọmwa dan gha wu, rẹn kevbe emwamwa ekhọe ẹre ọ re ọ gba wu. Egbe ne a hẹnhẹn yan ẹfe, te ọ khian akuọkan.

Itan 11:7 ပူးပေါင်းရင်းမြစ်များ

Job 11:20

Sokpan, ọmwa dan gha ghe lẹga, egbe ghi wọ ẹre. Ọ ghi miẹn wẹ ehe ne a la miẹn uhunmwu vbọ i rrọọ. Idaehọ ọkpa ne iran mwẹ ọrọre wẹ, ẹ i mwẹ a ma ghi wu.”

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Psalm 146:4

Iran gha wulo, iran ghi dọlegbe khian ekẹn, ẹdẹdẹmwẹdẹ, emwamwa ekhọe iran hia sẹ ufomwẹ.

Itan 10:28

Oghọghọ ọ re idaehọ emwa esi yakọ yi, sokpan, emwi ọkpa irrọọ ne emwa dan rhie aro yi.

Itan 10:29

E Nọyaẹnmwa ọ re ọ degue emwa ẹmwata, sokpan, ọ ghi gha rẹnkhẹn iran ni ru emwi dan an.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.