Itan 11:4 - Edo Bible (E Baibol Ẹdo) Version 1996

⁴ Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 11:4 ပူးပေါင်းရင်းမြစ်များ

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Job 20:28

A gha fuẹn ẹfe ẹre hia a. Vbe uwu amẹ ne ọ lẹ ọghe ohu Osanobua.

Itan 10:2

Ẹfe ne a ye ogberhu miẹn i ra maa ne ọmwaikọmwa, sokpan te uyinmwẹ ẹmwata de ọmwa ye agbọn.

Itan 12:28

Uyinmwẹ ẹmwata ọrọre urodẹ agbọn, uyinmwẹ dan ovbi odẹ uwu nọ.

Itan 6:34

Ẹghẹ ne ohu ne ọ mu ọdọ okhuo na mu ohan sẹẹ ọrọre vbe ọ gha khọn ekhae, ikhi ne ọ rria, ẹ i mwẹ erọkhọrọkhọ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Ezikiẹl 7:19

Iran gha filo avbe igoru kevbe esiliva iran kua vbe adesẹ ore zẹvbe iku, rhunmwuda, ke igoru kevbe esiliva, okpa ne ọ gha miẹn iran fan i rrọ vbe ẹdẹ ne Nọyaẹnmwa gha hihiẹ ohu ẹre ladian. Iran i ra sẹtin lo iran ya rhie emwi ne ẹko ho ne ẹko. Igoru kevbe esiliva ọ re ọ si iran la orukhọ ne a ru.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

Ebe ne Pọl gbẹẹn gie emwa Rom 5:17

Ẹmwata nọ wẹẹ, vbe ekpa orukhọ ne orhiọnkpa kẹkan ru, uwu keghi hin ẹkete dia rhunmwuda orhiọnkpa nii. Sokpan u ma miẹn ọrhẹnrhẹn emwi ne a lae miẹn ighẹ emwi ne Jesu Kristi ne orhiọnkpa kẹkan ru, ya kpọlọ sẹ. Iran hia ne ẹse ọhẹ ne wọrhọ ọghe Osanobua sẹ ọre obọ, deba ọmwa ẹmwata ọghọe ne ọ ya ru ọmwa ẹse vbe ọhẹ, gha la ekpa Kristi gha khaemwisẹ vbe arrọọ.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.