Itan 11:23 - Edo Bible (E Baibol Ẹdo) Version 1996

²³ Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Itan 11:23 ပူးပေါင်းရင်းမြစ်များ

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 119:10

Mẹ hia ne I ye ekhọe mwẹ hia gha ga a; ghẹ gun mwẹ de iyi ruẹ.

Psalm 119:5

Vbọrrọ akpawẹ ekhọe mwẹ gha sẹtin mu ẹẹn sẹ, ne I wa gha ruẹe zẹ vbe ne u ru igiodẹ ọre.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Itan 10:28

Oghọghọ ọ re idaehọ emwa esi yakọ yi, sokpan, emwi ọkpa irrọọ ne emwa dan rhie aro yi.

Itan 11:24

Emwa eso rrọ ni lo igho iran wọrhọwọrhọ, ẹfe iran ghi ye gha maa yọ, eso ghi gha hẹko lo ẹre, sevba, ọ ghi ye gha khian ovbiogue.

Itan 11:7

Ọmwa dan gha wu, rẹn kevbe emwamwa ekhọe ẹre ọ re ọ gba wu. Egbe ne a hẹnhẹn yan ẹfe, te ọ khian akuọkan.

Itan 12:5

Emwa ni mwẹ ekhọe esi ghi gha gu emwa yin ẹse, sokpan, te emwa dan ho ne iran gha rẹrẹ ọ kẹkan.

Itan 13:2

A gha san emwa esi ẹse ye ẹmwẹ ne iran guan, sokpan, iran ni re emwa erẹrẹ, e piankhanrhan ọ re iran fie ho khin.

Aizaia 26:9

Vbe asọn, I ya ekhọe gualọ uwẹ khian; wẹ gha bu ohiẹn agbọn kevbe emwa ni rrọọ iran gha rẹn emwi ne a ya ohiẹn ẹmwata kha.

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.