Itan 11:19 - Edo Bible (E Baibol Ẹdo) Version 1996

¹⁹ Ọmwa ne ọ mu aro yọ ne irẹn gha ru emwi esi, ọ gha rre agbọn, sokpan, ọmwa ne ọ wẹ emwi dan rẹn ra gha ru khian, ọ gha wu.

Itan 11:19 ပူးပေါင်းရင်းမြစ်များ

II Ọba 1:16

Ọ na khama rẹn wẹẹ, “Vbenian ọ re Nọyaẹnmwa kha re: ‘Rhunmwuda ne u na gie emwa ya nọ e Baal ne ẹbọ Ẹkrọn vbene a miẹn wẹ ẹbọ i rre otọ Izrẹl ne a gha nọ, u i ra fe, te u gha wu!’ ”

II Ọba 1:4

Tama ọba wẹ e Nọyaẹnmwa wẹẹ, ‘U i ra fe vbe ẹwẹn udemwẹ ruẹn nii, te u ra wu yọ.’ ” Elaija keghi ru vbene Nọyaẹnmwa tama rẹn.

Itan 10:16

Emwi ne a ya san ọmwa ẹse ye emwi esi ne ọ ru, ọrọre arrọọ, sokpan te orukhọ si ọmwa la orukhọ ọvbehe.

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 12:28

Uyinmwẹ ẹmwata ọrọre urodẹ agbọn, uyinmwẹ dan ovbi odẹ uwu nọ.

Itan 19:23

Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 21:16

Uwu diakhẹ ọmwaikọmwa ne ọ bibi odẹ lahin ẹwaẹn esi rre.

Itan 21:21

Gha mwẹ itohan, ghẹ vbe gha ru ero, u gha wa tọ, emwa ọvbehe gha yọghọ nuẹn, iran ghi vbe gha ye obọ esi mu ẹẹn.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Diuteronomi 16:20

Ghẹ ru ọmwa khọ. Gha mudia ye ẹmwata ẹghẹ hia, ne uwa miẹn ehe na yin otọe ni ne Nọyaẹnmwa Osanobua rua mu ne uwa, ne uwa vbe gha yin ẹnrẹn khian.

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.