Itan 11:11 - Edo Bible (E Baibol Ẹdo) Version 1996

¹¹ Emwa ẹmwata gha na erhunmwu ne ẹvbo, ẹvbo nii ghi gha maa, sokpan, ẹmwẹ unu emwa dan, ọre ọ si udemwẹ ẹvbo.

Itan 11:11 ပူးပေါင်းရင်းမြစ်များ

Gẹnẹsis 45:8

Rhunmwuda ọnii, ẹ i re uwa ọre ọ gie mwẹ gha die edinran sokpan Osanobua nọ. Ọ keghi ya mwẹ ru zẹ vbe ihe erha ne ọba, mẹ ọ re ọ gbearoghe ẹvbo ẹre hia kevbe ne ọ khaemwisẹ yan Igipt hia.”

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

Job 22:30

Ọ gha miẹn ruẹn fan adeghẹ u ma rria a be adeghẹ uyinmwẹ ruẹn gba ẹe.”

Itan 11:10

Agbọn gha maa emwa ẹmwata vbe ẹvbo, ẹvbo ni ghi de hẹnhẹn, emwa dan gha wulo, uwemwẹ oghọghọ ghi gba ehehia.

Itan 11:12

Ukọnmwẹ nọ ne a gha ya unu sakan ẹrrẹe. A dẹghe ọmọ ne egbe maa ọ re u khin, u gha hẹko hunmwan.

Itan 14:34

Uyinmwẹ ẹmwata ọ re ọ ye ẹvbo khian nọkhua, ifaegbua ọ re orukhọ khin ni ẹvboikẹvbo.

Itan 28:2

Uhunmwu ẹvbo gha ru orukhọ, nikhaemwisẹ iran ghi gha lele egbe kpẹkpẹkpẹ. Sokpan, adeghẹ uhunmwu ẹvbo okpa mwẹ ọkaolotu ne ọ wan kevbe ne ẹdẹ gbe vbe ẹko, ọ ghi wegbe, ọ ghi vbe kpee vbe otọ ẹsẹse.

Itan 29:8

Emwa ne ẹ i da ne emwa ọvbehe sẹtin wa fian otighi fi ẹvbo. Emwa ni wan, te iran ye ehe hia furre.

Asan-Ibo 9:15

Okpia okpa ne ọ re ovbiogue, sokpan ọmọ ne ẹwaẹn gba na, keghi rre evba, ọ gha te sẹtin miẹn ẹvbo nii fan, sokpan a ma miẹn ne ọ ziro kan rẹn.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.