Itan 11:10 - Edo Bible (E Baibol Ẹdo) Version 1996

¹⁰ Agbọn gha maa emwa ẹmwata vbe ẹvbo, ẹvbo ni ghi de hẹnhẹn, emwa dan gha wulo, uwemwẹ oghọghọ ghi gba ehehia.

Itan 11:10 ပူးပေါင်းရင်းမြစ်များ

II Ọba 11:20

Oghọghọ keghi gba emwa nii hia ẹko, ẹvbo keghi furre vbene iran ghi na gbe Atalia ua vbe ẹguae.

II Krọnikol 23:13

Evba ọ re ọ na ya bẹghe ọba ọgbọn nii vbe onurho Ọgua Osa, ọ mudia vbe orre ne ọ re ọghe avbe ọba ọkpa, avbe ọkaokuo kevbe iran ni kpe okpe lẹga ẹre. Emwa nii hia wa wee uwemwẹ oghọghọ, iran gha kpe okpe. avbe ikpemaba Ọgua Osa, iran kevbe emwi ne a kpee ọghe iran hia, iran ọre ọ wa ke odaro vbe emwi ne a ru na. Okhuo na keghi sọ ukpọn rẹn ya rhie ma wẹ te irẹn khiẹ yọ, ọ na datu wẹẹ, “Isọtẹ! Isọtẹ!”

II Krọnikol 23:21

Ọyẹnmwẹ kegha sẹ emwa hia, ore keghi do furre vbe iran gbe ẹe rua nẹ ighẹ Atalaia.

Job 27:23

Ẹhoho ghi gha so yan iran vbene iran ya rhulẹ khian ni, Ọ ghi gha ye ẹtin ọfuan runran iran.”

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Itan 11:11

Emwa ẹmwata gha na erhunmwu ne ẹvbo, ẹvbo nii ghi gha maa, sokpan, ẹmwẹ unu emwa dan, ọre ọ si udemwẹ ẹvbo.

Itan 28:12

Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

Itan 28:28

Emwa dan gha la ukpo asẹ emwa hia ghi ya lẹre, iran gha dele hin asẹ rre, emwa ẹmwata ghi do dọlegbe gha rre asẹ.

Itan 29:2

Ma mwẹ ọmwa ẹmwata ne ọ rre asẹ, I gha vbe ma ruẹn emwa ne ẹko sẹ ọ re ọyẹnmwẹ. Ma mwẹ ọmwa dan ne ọ rre asẹ, I gha vbe ma ruẹn emwa ne agbọn khan rẹn.

Jerimaia 51:48

Emwi hia ni rre otọe kevbe ni rre iso gha wee ne oghọghọ vbe emwa ni ke odẹ okuọ rre do fuẹn e Babilọn, a gele rhie ẹre gbe otọ.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.