Itan 10:8 - Edo Bible (E Baibol Ẹdo) Version 1996

⁸ Avbe umẹwaẹn ghi rhie vbe a gha bu iran ude esi. Emwa ni guan ẹmwẹ ukọnmwẹ gha fuan.

Itan 10:8 ပူးပေါင်းရင်းမြစ်များ

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 10:10

Ọmwa ne ọ rhie ẹmwata lẹre, te ọ gbe olighi, sokpan, ọmwa ne ọ kha ladian ighe emwi ma gba, ọfumwegbe ọ re ọ gualọ.

Itan 10:14

Ọmwa ne ọ wan ghi viọ irẹnmwi ne ọ miẹn hia, sokpan, akpa gha guan, u ghi rẹn ighe olighi ra la evba.

Itan 12:1

Ọmwa ne ọ ho ẹmwẹ irẹnmwi ghi gha ho ne a tama irẹn vbe ọ gha ba emwi ku ru. Adeghẹ ọmwa i ho ne a dia ẹre ye odẹ, ukọnmwẹ nọ.

Itan 12:13

Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 14:23

Gha winna, u gha vbe khuan okhuan ẹdẹ ruẹ, adeghẹ te u tota gbe ọta khian, u gha khian ovbiogue.

Itan 14:8

Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.

Itan 9:8

Ghẹ tama ọmwa ne ọ wẹ rẹn wa rẹn fo ighe ọ ba emwi ku ru, te ọ ra gha mu ohu ruẹ yọ. Sokpan, u gha tama umẹwaẹn ighe ọ ba emwi ku ru, ọ ghi gha ya ọghọ ne uẹn.

Itan 9:9

Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

Asan-Ibo 10:12

Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.