Itan 10:7 - Edo Bible (E Baibol Ẹdo) Version 1996

⁷ A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Itan 10:7 ပူးပေါင်းရင်းမြစ်များ

I Ọba 11:36

I gha sẹ ẹwae ọkpa rae ne ovbi e Solomọn ne a miẹn ehe na miẹn wẹ ẹ i mwẹ ovbi e Devid ne ọguọmwadia mwẹ ma gha khaemwisẹ vbe Jerusalẹm ne ẹvbo ne I mẹ zẹe kevbe ehe ne a na ga mwẹ.

II Ọba 19:34

I gha gbinna ne ẹvbo na, I ghi vbe tan obọ guẹ ẹre rhunmwuda ekpẹn ne egbe mwẹ kevbe eyan ne I yan ma e Devid ne ọguọmwadia mwẹ.’ ”

II Krọnikol 24:16

Iran keghi re ẹre ye idin avbe ọba vbe Ẹvbo e Devid ne a ya rhie ma iwinna ne ọ winnaẹn ne ivbi Izrẹl, ne Osanobua kevbe Ọgua Osa.

II Krọnikol 32:33

E Hẹzekaia keghi wu, a na re ẹre ye obọ ne ọ ke uwu idin avbe ọba. Ivbi e Juda kevbe ivbi e Jerusalẹm hia keghi ru ne ẹẹn ẹsẹse vbe ọ wu. E Manasẹ ne ovbi ẹre keghi rriọba lele ẹe.

Job 18:17

Usi ẹre fo vbe owa kevbe isi, a ma miẹn ne ọ ghi ye ẹre rre ọvbehe.

Job 24:20

Uhin ighẹ iye ẹe ma ghi ye ẹre rre nian, ọkhọe rriọ rua, ọ kẹkẹ ua vbe erhan ne ọ de.

Job 27:23

Ẹhoho ghi gha so yan iran vbene iran ya rhulẹ khian ni, Ọ ghi gha ye ẹtin ọfuan runran iran.”

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Psalm 109:15

Te Nọyaẹnmwa gha ye orukhọ iran rre rhinrin, sokpan, ta a gha wa mianmian iran tobọ iran fẹfẹẹfẹ!

Psalm 112:6

Ọmwa esi i gbe ihoi ẹdẹ, te a gha ye ẹre rre rhinrin ẹdẹ.

Psalm 34:16

Sokpan, ọ mu aro da iran ni ru emwi dan, sẹrriọ wẹ, iran gha wu, banbanna a mianmian iran nẹ.

Psalm 34:17

Ẹmwata gha kpe tie Nọyaẹnmwa, ọ ghi vbe miẹn iran fan, vbe uwu ọlọghọmwa iran hia.

Psalm 41:5

Avbe eghian mwẹ wa guan ẹmwẹ dan vbe ekpa mwẹ; iran ho ne I wu kevbe ne I vbe khian ne a mianmiaẹn.

Itan 22:1

A gha we ne u zẹ okpa vbọ, eni esi ra ẹfe, zẹ eni esi.

Asan-Ibo 8:10

Vbe ẹmwata, mẹ miẹn emwa dan ne a re ye idin iran, a ghẹ ghi gha vbe ke itẹ dee, emwa ghi vbe gha tian iran vbe ẹvbo okpa nii ne iran na ru avbe emwi dan hia. Ọna i zẹdẹ maa.

Aizaia 14:22

E Nọyaẹnmwa ne Oghodua khare wẹẹ, “I gha dekun e Babilọn, I ghi rẹnkhọẹn ruan. I i ra vbe sẹ emwiọkpa rae yọ, ọ re emọ nọ ra emwa, ni gha miẹn uhunmwu irrọọ. Mẹ ne Nọyaẹnmwa ọ re ọ tae.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Iyẹn ne ọ Maan Ọghe Mak 14:9

Ne I tama uwa nian, eheikehe ne a gha na kpe orhu iyẹn ne ọ maa na vbe uhunmwu otọ agbọn hia, a gha vbe na iyẹn emwi ne ọ ru na ne a ya gha ye ẹre rre.”

Iyẹn ne ọ Maan Ọghe Luk 1:48

rhunmwuda, ọ ye imẹ rre, mẹ ne ọguọmwadia ẹre ne ẹ mwẹ esa! Ke ẹghẹ na gha khian nian, agbọn hia gha tie mwẹ ene afiangbe.