Itan 10:32 - Edo Bible (E Baibol Ẹdo) Version 1996

³² Emwa ẹmwata rẹn ẹmwẹ itohan ne iran gha ta, sokpan, ẹmwẹ ne ọ kan ọmwa egbe ọ re emwa dan ta vbe ẹghẹ hia.

Itan 10:32 ပူးပေါင်းရင်းမြစ်များ

Itan 11:11

Emwa ẹmwata gha na erhunmwu ne ẹvbo, ẹvbo nii ghi gha maa, sokpan, ẹmwẹ unu emwa dan, ọre ọ si udemwẹ ẹvbo.

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 12:6

Izigha ọ re ẹmwẹ ne unu emwa dan khin, sokpan, ẹmwẹ ne unu ọmwa esi ghi gha fannọ emwa ne a yan khẹ yotọ.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:28

Te emwa esi roro ẹe nẹ ọ ke gha rhie ewanniẹn ye ẹmwẹ. emwa dan wa mwẹ ewanniẹn ẹgiẹgiẹ sokpan ẹti ọre ọ si.

Itan 2:12

Ẹ i ghi vbe gie uwẹ ya ru emwi ne ọ ma gba. Iran guẹ gha gban egbe ne emwa ni ya ẹmwẹ ne iran ta fian otighi fi emwa egbe.

Itan 4:24

Ghẹ guan ẹmwẹ ne ẹ i re ẹmwata ẹdẹ, ghẹ mwẹ obọ vbe ohoghe kevbe avbe ẹmwẹ ne ọ ye ọmwa bibi odẹ.

Itan 6:12

Avbe ẹwobi emwa ne emwa dan ghi gha ta ohoghe lele ehe hia khian.

Asan-Ibo 10:12

Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Asan-Ibo 12:10

Asan-ibo nii keghi hia ne ọ gualọ avbe ẹmwẹ ni fu ọmwa ẹko rre ladian, sokpan avbe ẹmwẹ ne ọ gbẹnnẹ, ne ero i ye ọ re nọ.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.