Itan 10:29 - Edo Bible (E Baibol Ẹdo) Version 1996

²⁹ E Nọyaẹnmwa ọ re ọ degue emwa ẹmwata, sokpan, ọ ghi gha rẹnkhẹn iran ni ru emwi dan an.

Itan 10:29 ပူးပေါင်းရင်းမြစ်များ

Job 31:3

Ọ ghi mu ọfuan kevbe ọrhiae, giẹ avbe emwa ni ru emwi dan.

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 36:12

Wa do ghe ehe ne emwa dan dele yi, iran rre otọe vbe vba, iran ma sẹtin kpaegbe.

Psalm 37:20

Sokpan, avbe emwa dan gha wulo avbe eghian Nọyaẹnmwa gha hoho ua zẹ vbe obobo oha. A gha ho iran bẹkun zẹvbe ighogho.

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Psalm 92:7

ọmwa dan sẹtin wan vbe irunmwu agbọn sẹtin maa iran ni ru emwi dan, sokpan, a gha fuẹn iran fo fẹẹrẹ.

Itan 11:7

Ọmwa dan gha wu, rẹn kevbe emwamwa ekhọe ẹre ọ re ọ gba wu. Egbe ne a hẹnhẹn yan ẹfe, te ọ khian akuọkan.

Itan 13:6

Uyinmwẹ ẹmwata Ọ re ọ sinmwi ọmwa ne ọ ma rukhọ, uyinmwẹ dan ọ re ọ si udemwẹ emwa orukhọ.

Itan 21:15

A gha bu ohiẹn ẹmwata, ẹko ghi gha rhiẹnrhiẹn emwa esi, sokpan ọ ghi wa ye egbe wọ emwa dan.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.