Itan 10:25 - Edo Bible (E Baibol Ẹdo) Version 1996

²⁵ Okpẹhoho gha rre, ọ ghi kpolo avbe emwa dan gha rrie sokpan emwa ne ẹ i ru ero rrọọ vbe ai mwẹ ẹbe.

Itan 10:25 ပူးပေါင်းရင်းမြစ်များ

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Job 20:8

Te a ra ho ẹre bẹkun vbe imina zẹ vbe umian ne a miẹn vbe asọn. A i ghi dọlegbe miẹn ọẹn ọvbehe.

Job 21:18

Ra ne ọ hoho iran gha rrie zẹ vbe ebe ne ọkakae vbe uwu ẹhoho, ra zẹ vbe ebubẹ ne okpẹhoho bi gha rrie?

Psalm 125:1

Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Psalm 58:9

Vbe iran te rẹn, te a gha gbẹn iran kua vbe irunmwu. Osanobua gha hoho iran kua vbe ohu ẹre ne ọ wegbe, vbe iran ma he wulo.

Itan 1:27

Ẹghẹ ne ọ gha na hihiẹ yan uwa zẹ vbe okpẹhoho, ọ ghi si ẹhoho dan ọghe ọlọghọmwa rre, wa ghi gha rre obalọ kevbe orriara.

Itan 10:30

Te ẹkun sẹ ẹmwata otọ vbe ẹghẹ hia, sokpan, ọmwa dan i miẹn uhunmwu vbe otọe nii.

Itan 12:3

Uyinmwẹ dan i gie ẹkun sẹ ọmwa otọ, sokpan, ọmwa ẹmwata ghi mudia gbain.

Itan 12:7

Emwa dan gha de nẹ, iran i ghi vbe sẹ emọ rae yotọ, sokpan, ẹgbẹe emwa esi ghi gha vbẹ yọ.

Aizaia 40:24

Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”