Itan 10:24 - Edo Bible (E Baibol Ẹdo) Version 1996

²⁴ Emwi ne emwa ẹmwata ho ghi gha sẹ iran obọ, sokpan, emwi ne ohan rẹn mu avbe emwa dan sẹẹ, ọ re iran ra gha miẹn.

Itan 10:24 ပူးပေါင်းရင်းမြစ်များ

Job 15:21

Utumwẹ afianma ọ re ọ ra gha tu vbe ehọ ẹre vbe ẹghẹ hia. Avbe izigan ghi hẹ rhu ẹe vbe ẹghẹ ne irẹn gha te ya gha ro ighẹ ẹbe fo.

Job 3:25

Emwi hia ne ohan rẹn mu mwẹ, kevbe ne afianma rẹn fian mwẹ hia do sunu.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 21:2

U rhie emwi ne ekhọe ẹre ho ne ẹẹn nẹ, u rhie emwi ne ọ nọrẹn ne ẹẹn.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Itan 1:26

Rhunmwuda ọnii, wa gha rre ibaro, I gha giẹ uwa. I gha ya uwa gbogiẹ vbe ugborrirri a fi emwi.

Itan 1:27

Ẹghẹ ne ọ gha na hihiẹ yan uwa zẹ vbe okpẹhoho, ọ ghi si ẹhoho dan ọghe ọlọghọmwa rre, wa ghi gha rre obalọ kevbe orriara.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Aizaia 66:4

Rhunmwuda ọnii, I gha gie ọkhọ rruan iran, emwi nii ne ohan rẹn wa mu iran, rhunmwuda, ẹghẹ ne I na gha tie iran, a ma miẹn ne ọ khuẹnniẹn, ẹghẹ ne I na gha guan, a ma miẹn ne ọ danmwehọ mwẹ. Iran na wẹ te iran gha hẹ uhunmwu yọmwẹ obọ, ne iran gha ru emwi dan.”

Ezikiẹl 11:8

“Te ohan umozo mu uwa ra? I gha viọ emwa ni mwẹ umozo rre ne iran do gu uwa gbinna.

Daniẹl 4:28

Avbe emwi na hia keghi gele sunu vbe egbe Nebukiadneza ne ọba.

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Iyẹn ne ọ Maan Ọghe Jọn 14:18

“Mẹ i ra sẹ uwa ọkpa rae, I gha dọlegbe bu uwa rre.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.