Itan 10:22 - Edo Bible (E Baibol Ẹdo) Version 1996

²² Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Itan 10:22 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 14:23

Wẹ mẹ I ra rhie emwikemwi nọ re ọwuẹ, yasẹ egbe oru irri ibata, ne u ghẹ ya gha tae khian wẹẹ, ‘Mẹ ọre ọ fee Ebram.’

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Gẹnẹsis 26:13

Emwi kegha ma nẹẹn khian, ọ keghi khian ọmwa ne ọ fe ẹsẹsẹmwẹse.

I Ọba 21:19

U ghi tama rẹn wẹ mẹ ne Nọyaẹnmwa ọ re ọ tama rẹn wẹẹ, ‘U gbe ọmwa ran nẹ, te u ghi ra vbe rri ọ re ukhu ra? Tama rẹn wẹ vbenian ọre I khare. Ehe ne avbe ekita na lalọ esagiẹn e Nabot, evba dandaandan iran gha na vbe lalọ ọwuẹ!’ ”

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

II Krọnikol 25:9

Amezaia keghi nọ akhasẹ ni wẹẹ, “Sokpan, esiliva ọrhẹnrhẹn ne I ya ha osa ne iran ghi vbọ?” Akhasẹ ni keghi wanniẹn wẹẹ, “E Nọyaẹnmwa gha sẹtin viọ ni bun sẹ ọnii ne uẹn.”

II Krọnikol 32:27

E Hẹzekaia ne ọba keghi do fe ẹsẹse, emwa hia na gha ya ọghọ nẹẹn. Ọ kegha bọlọ aza ne ọ hẹ emwi ẹnrẹn yi; igoru, esiliva, ikpẹrọnmwọ, emwi ni winhin, asa kevbe avbe emwi ighobioye ọvbehe ne ọ mwẹ hia.

II Krọnikol 32:29

Deba ena hia, Osanobua keghi viọ ẹmila kevbe ohuan ne ẹẹn kevbe avbe ẹfe ọvbehe ni bun sẹrriọ wẹ ọ keghi bu okpẹvbo ni bun ẹsẹse.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Psalm 37:22

Iran ne Nọyaẹnmwa fiangbe ọ re ọ yan otọe nii. Sokpan, a gha khulo iran ne ọ fi ẹre unu ladian.

Itan 14:24

Ẹfe ọ re a ya san avbe umẹwaẹn ẹse; sokpan, ukọnmwẹ iran ọ re a ya rẹn avbe akpa.

Itan 20:21

Adeghẹ ọ ma lọghọ ọ u ke miẹn ẹfe ruẹ, ẹ i ra vbe mobọ maa nuẹn.

Itan 28:22

Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.

Itan 8:21

I ghi gha zẹ ẹfe ku iran ni ho ẹmwẹ mwẹ, I ghi ya ọmaa nagbọn vuọn iran owa.

Daniẹl 1:15

Ẹdẹ ghi gba, egbe kegha maa iran, egbe wa vbe rran iran sẹ avbe emọ ni rri evbare ẹguae.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”

Diuteronomi 26:10

Rhunmwuda onii nian, mẹ viọ ne okaro vbe uwu emwiokọ ne irẹn viọ mẹ gie Nọyaẹnmwa.’ “Iyeke ọnii, u ghi mu okhuae nii ye otọ vbe odaro e Nọyaẹnmwa ne u vbe ga vbe evba.

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.